නෙතන්යාහු යුද කැබිනට්ටුව විසුරුවා හරියි – ඊශ්‍රායලයේ මීළඟ පිම්ම කුමක්දැයි සැකයක්

ඊශ්‍රායල අගමැති බෙන්ජමින් නෙතන්යාහු විසින් සිය සය දෙනෙකුගෙන් සමන්විත යුද කැබිනට් මණ්ඩලය විසුරුවා හැර තිබෙනවා.

රොයිටර්ස් පුවත් සේවය සඳහන් කළේ අද (17) උදෑසන අග්‍රාමාත්‍යවරයා මෙම තීරණය ක්‍රියාත්මක කර ඇති බවයි.

ඊශ්‍රායලයේ මධ්‍යස්ථ මතධාරියෙකු වන හිටපු ජෙනරාල් බෙනී ගැන්ට්ස්ගේ නෙතන්යාහුගේ රජයෙන් ඉවත් වීම මෙම තීරණය ආසන්නතම සිදුවීමක් ද විය හැකි බවත් වාර්තා වනවා.

කෙසේවෙතත් යුද කැබිනට් මණ්ඩලය විසුරුවා හැරිය ද, නෙතන්යාහු සහ එරට ආරක්ෂක අමාත්‍ය Yoav Gallant සහ යුද කැබිනට් මණ්ඩලයේ සිටි උපායමාර්ගික කටයුතු අමාත්‍ය Ron Dermer ඇතුළු සීමිත පිරිසක් සමග ගාසා හි යුද ගැටුම් සම්බන්ධයෙන් සාකච්ඡා පැවැත්වීමට සූදානමින් පසුවන බව ද තොරතුරු වාර්තා වී තිබෙනවා.

එරට දේශපාලන ආරංචි මාර්ග පවසන්නේ බෙන්ජමින් නෙතන්යාහුගේ මෙම ක්‍රියාව බොහෝ විට ජාත්‍යන්තර හවුල්කරුවන්ගේ මානසික පීඩනය වැඩි කරනු ඇති බවයි.

ඊශ්‍රායල – පලස්තීන යුද්ධය ගාසා හි දී ඔක්තෝම්බර් මාසයේ දී ආරම්භ වීමත් සමග Gantz එරට ජාතික සමගි ආණ්ඩුවකට නෙතන් යාහු සමග එක් වුණා.

ඉන්පසුවයි මෙම සාකච්ඡා සංසදය පිහිටුවා ඇත්තේ.

එහි Gantz ගේ සහකරු Gadi Eisenkot සහ ආගමික පක්ෂයේ Shas හි ප්‍රධානියා වන Aryeh Deri නිරීක්ෂකයින් ලෙස ද කටයුතු කරන බවත් වාර්තා වනවා.