ශ්රී ලංකාවට අලුතින් පත්ව පැමිණි විදේශීය තානාපතිවරු 07දෙනෙකු සහ මහකොමසාරිස්වරු 04දෙනෙකු අද (25) පෙරවරුවේ ජනාධිපති ලේකම් කාර්යාලයේදී ජනාධිපති අනුර කුමාර දිසානායක වෙත සිය අක්තපත්ර භාර දුන්නා.
මෙම නව රාජ්යතාන්ත්රික නිලධාරීන් පිරිස පිළිවෙළින්, බ්රසීලය, බංග්ලාදේශය, චීනය, ඔස්ට්රියාව, ඇමෙරිකා එක්සත් ජනපදය, ඩොමිනිකන් රාජ්යය, ඝානාව, බෲනායි ඩාරුසලාම්, සුඩානය, ගයනාව සහ පැනමා රාජ්යය නියෝජනය කරනවා.
ඒ අනුව අද දින ජනාධිපතිවරයා වෙත අක්තපත්ර භාර දුන් නව තානාපතිවරු සහ මහකොමසාරිස්වරු පහත පරිදි වනවා.
තානාපතිවරුන් ලෙස :
• Jorge Geraldo Kadri – බ්රසීල ෆෙඩරල් ජනරජයේ තානාපති
• Wei Huaxiang – චීන මහජන සමූහාණ්ඩුවේ තානාපති
• ආචාර්ය Robert Zischg – ඔස්ට්රියා ජනරජයේ තානාපති
• Eric S. Meyer – ඇමෙරිකා එක්සත් ජනපදයේ තානාපති
• Francisco Manuel Comprés Hernández – ඩොමිනිකන් ජනරජයේ තානාපති
• ආචාර්ය Mohammed Abdalla Ali Eltom – සුඩාන් ජනරජයේ තානාපති
• Nubiela Yanarith Ayala – පැනමා ජනරජයේ තානාපති
මහ කොමසාරිස්වරුන් ලෙස:
• D.M. Salahuddin Mahmud – බංග්ලාදේශ ජනරජයේ මහකොමසාරිස්
• මහාචාර්ය Kwasi Obiri-Danso – ඝානා ජනරජයේ මහකොමසාරිස්
• Siti Arnyfariza Md Jaini – බෲනායි ඩාරුසලාම්හි මහකොමසාරිස්
• Dharamkumar Seeraj – ගයනා සමූපකාර ජනරජයේ මහකොමසාරිස්
විදේශ කටයුතු, විදේශ රැකියා සහ සංචාරක අමාත්ය විජිත හේරත් සහ ජනාධිපති ලේකම් ආචාර්ය නන්දික සනත් කුමානායක ද මෙම අවස්ථාවට එක්ව සිටියා.
