ජංගම දුරකථන සිම්පත් යාවත්කාලීන කිරීමේ ක්‍රියාවලිය යටතේ සිම්පත නැවත ලියාපදිංචි කිරීමේ ජංගම සේවාවක් දීප ව්‍යාප්තව සිදු කිරීමට විදුලි සංදේශ නියාමන කොමිෂන් සභාව පියවර ගෙන තිබෙනවා.
ජංගම දුරකථන භාවිත කරන පාරිභෝගිකයින් තමන් භාවිතා කරන සිම්පත තමන්ගේ නමින් ලියාපදිංචි වී තිබීම අනිවාර්ය වන අතර තම ජාතික හැඳූනුම්පත් අංකය යටතේ නිකුත් වී ඇති සිම්පත් පිළිබඳ තමන් දැනුවත්ව සිටිය යුතු බවයි ඔවුන් දැනුම් දෙන්නේ.
#132# ඩයල් කිරීම මගින් තමන් දැනට භාවිත කරන දුරකථන සමාගමට අදාළ තොරතුරු ලබා ගැනීමේ හැකියාව පවතිනවා.
තමන් භාවිත කරන දුරකථන සමාගම හැර වෙනත් දුරකථන සමාගමක තමන්ගේ හැඳුනුම්පත් අංකය යටතේ සිම්පත් තිබේ ද යන්න එම සමාගම්වල පාරිභෝගික අංකය ඇමතීමෙන් දැන ගත හැකියි.
තමන්ගේ හැඳුනුම්පත් යටතේ තමන් නොදන්නා වෙනත් සිම්පතක් ලියාපදිංචි වී ඇත්නම් එම සිම්පත් වහා අවලංගු කිරීමට කටයුතු කළ යුතුයි.
එසේ සිදු නොකර එම සිම්පත හරහා යම් අවභාවිතාවක් සිදු කළහොත් ඒ සඳහා වගකීම තමන්ට දැරීමට සිදුවන අතර එහි නිරවද්‍යතාවය සනාථ කිරීම සඳහා තමන්ගේ කාලයත් ශ්‍රමයත් ධනයත් වැය කිරීමට සිදුවනු ඇති.
තමන් භාවිත කරන සිම්පත් මෙතෙක් තමාගේ නමට ලියාපදිංචි ව ීනොමැති නම් තමන් භාවිත කරන සිම්පත අයත් දුරකථන සමාගම හා සම්බන්ධ වී එම සිම්පත ලියාපදිංචි කර ගැනීමට කටයුතු කළ යුතුයි.
සිම්පත නැවත ලියාපදිංචි කිරීමේ දීප ව්‍යාප්ත ජංගම සේවාවේ ආරම්භක වැඩසටහන මහනුවර දිස්ත්‍රික්කයේ ප්‍රාදේශීය ලේකම් කාර්යාල කේන්ද්‍ර කර ගනිමින් ලබන සඳුදා පෙරවරු 9 සිට පස්වරු 4 දක්වා කාලය තුල පැවැත්වීමටයි සංවිධාන කර ඇත්තේ.
