spot_img
AFC Banner
Korea Edu Banner
Empty Ad

දක්ෂිණ අධිවේගයේ මහ දවල් නාඩගම් නැටූ බස් රියැදුරන් දෙදෙනාට දුන් දඬුවම

දක්ෂිණ අධිවේගී මාර්ගයේ ධාවනය වූ බස් රථ දෙකක්, අතරමගදී නවතා බස් රථ දෙකට මාරු වීමේ සිද්ධියට සම්බන්ධ රියැදුරන් දෙදෙනා අද (නොවැ. 26) දොඩංගොඩ අධිවේගී පොලිසියට කැඳවා මතුගම මහේස්ත්‍රාත් අධිකරණය හමුවට ඉදිරිපත් කර තිබේ.

කළ විමසීමකදී දොඩංගොඩ අධිවේගී පොලිසියේ ස්ථානාධිපති ප්‍රධාන පොලිස් පරීක්ෂක දසනායක මහතා ප්‍රකාශ කළේ, සැකකරුවන් දෙදෙනා අධිකරණයට ඉදිරිපත් කිරීමෙන් අනතුරුව මං මාවත් පනත යටතේ එක් අයෙකුට රු. 20,000 බැගින් රු. 40,000ක දඩ නියම කළ බව ය.

මෙම සිද්ධිය සම්බන්ධයෙන් නොවැ. 22 වන දා වාර්තා කළ අතර ඒ සම්බන්ධයෙන් දක්ෂිණ අධිවේගී මාර්ගයේ මෙහෙයුම්, නඩත්තු හා කළමනාකරණ අංශයේ නියෝජ්‍ය අධ්‍යක්ෂ ජේ. එන්. ලොඩ්වික් මහතා ද දැනුවත් කිරීමට කටයුතු කළේ ය. 

එමෙන් ම, රියැදුරන් දෙදෙනා බස් රථ දෙකෙන් හුවමාරු වන දර්ශන ද ඉන් එක් බස් රථයක සිටි මගියෙකු සිය ජංගම දුරකතනයකින් ලබා ගෙන තිබිණි.

ඒ අනුව, සිද්ධියට සම්බන්ධ දර්ශන ලබා ගෙන ඇති දොඩංගොඩ අධිවේගී පොලිසිය, බස් රථවල තොරතුරු පිරික්සා අදාළ රියැදුරන් දෙදෙනා හඳුනා ගැනීමට කටයුතු කර ඇත.  

පොලිස් ස්ථානාධිපතිවරයා සඳහන් කළේ, මෙම සිදුවීම දක්ෂිණ අධිවේගී මාර්ගයේ 38 කිලෝමීටර් කණුව අසල සිදුවී ඇති බව ත් අදාළ බස් රථ ද්විත්වය එක ම හිමිකරුවෙකුට අයත් බස් රථ දෙකක් බවට හඳුනා ගත් බව ත් ය.

දක්ෂිණ අධිවේගී මාර්ගයේ ධාවනය වූ බස් රථ දෙකක්, අතරමගදී නවතා එහි රියැදුරන් දෙදෙනා බස් රථ දෙකට මාරු වීමේ සිද්ධියක් නොවැ. 22 උදෑසන දක්ෂිණ අධිවේගී මාර්ගයෙන් වාර්තා විය.

අදාළ රියැදුරන් දෙදෙනා බස් රථවලින් බැස, මාර්ගය මැද සවි කර ඇති ආරක්ෂිත වැට අසල අනාරක්ෂිත ලෙස රැඳී සිට මාර්ගය හරහා මාරු වී තිබුණු අතර ඉන් බස් රථ දෙකෙහි සිටි මගීන් විමතියට සහ අපහසුතාවට පත්ව තිබිණි

ඔබේ ප්‍රතිචාරය කුමක්ද ?
+1
0
+1
0
+1
0
+1
0
+1
0
+1
0
+1
7
Subscribe
Notify of
0 Comments
Inline Feedbacks
සියලු ප්‍රතිචාර බලන්න !
අපගේ නවතම වීඩියෝ පුවත්

?