‘ත්රස්තවාදයෙන් රාජ්යය ආරක්ෂා කිරීම’ සඳහා වන පනත් කෙටුම්පත රජයේ ගැසට් පත්රයේ පළ කිරීමටත්, අනතුරුව අනුමැතිය සඳහා පාර්ලිමේන්තුව වෙත ඉදිරිපත් කිරීමටත් අමාත්ය මණ්ඩලයේ අනුමැතිය හිමිව තිබෙනවා.
අධිකරණ සහ ජාතික ඒකාබද්ධතා අමාත්යවරයා විසිනුයි එම යෝජනාව අමාත්ය මණ්ඩලය වෙත ඉදිරිපත් කර ඇත්තේ.
1979 අංක 48 දරණ ත්රස්තවාදය වැළැක්වීමේ (තාවකාලික විධිවිධාන) පනතෙහි පවතින අඩුපාඩු ආවරණය වන පරිදි නව නීතියක් හඳුන්වා දීමේ අවශ්යතාව මත එකී කරුණට අදාළව මූලික කෙටුම්පතක් සකස් කිරීම පිණිස තාක්ෂණික විශේෂඥ කමිටුවක් පත් කරනු ලැබුවා.
එම තාක්ෂණික විශේෂඥ කමිටුව විසින් සකස් කරනු ලැබ ඇති මූලික කෙටුම්පත මත පදනම්ව ‘ ත්රස්තවාදයෙන් රාජ්ය ආරක්ෂා කිරීමේ පනත’ නමින් නව පනතක් හඳුන්වා දීම සඳහා 2026-08-10 දින පැවති අමාත්ය මණ්ඩල රැස්වීමේදී ප්රතිපත්තිමය අනුමැතිය ලබා දී තිබුණා.
ඒ අනුව, නීති කෙටුම්පත් සම්පාදක විසින් සකස් කරනු ලැබූ පනත් කෙටුම්පත සඳහා නීතිපති නිෂ්කාශනය ලැබී තිබෙනවා.
