විදේශ රටවලින් ආනයනය කිරීමෙන් අනතුරුව කොළඹ වරායේ රඳවා ඇති නිෂ්කාශනය නොකළ සුඛෝපභෝගී මෝටර් රථයක් ලබාදීමට හැකි බව පවසා වැලිමඩ ප්රදේශයේ ව්යාපාරිකයෙකු රවටා ඔහු සතු රුපියල් කෝටි තුනකට ආසන්න මුදලක් වංචාසහගතව ලබාගත් සිද්ධිය පිටුපස සිටින්නේ තම සේවාදායකයා නොව හිටපු ජනාධිපති මෛත්රිපාල සිරිසේන මහතාගේ දියණිය වන චතුරිකා සිරිසේන මහත්මියගේ ආරක්ෂක නිලධාරියකු බව එම සිද්ධියේ සැකකරු වෙනුවෙන් පෙනී සිටි නීතිඥවරයා අද (09) කොළඹ ප්රධාන මහේස්ත්රාත් තනුජා ලක්මාලි මහත්මිය හමුවේ ප්රකාශ කළා.
ලංකා ගමනාගමන මණ්ඩලයේ සේවකයකු වන ගුණසිරිලාල් නමැති සැකකරුවෙකු සම්බන්ධව නඩුවක් අද අධිකරණය හමුවේ නැවත කැඳවූ අවස්ථාවේ දී සැකකරු වෙනුවෙන් පෙනී සිටි නීතිඥ හරිස්ක සමරනායක මහතා අධිකරණයට මේ බව දැනුම්දුන්නා.
තම සේවාදායකයාට එරෙහිව අපරාධ පරීක්ෂණ දෙපාර්තමේන්තුව අධිකරණය හමුවේ නඩු පවරා ඇතත් සැබවින්ම මෙම සිද්ධිය පිටුපස සිටින්නේ හිටපු ජනාධිපති මෛත්රිපාල සිරිසේන මහතාගේ දියණිය වන චතුරිකා සිරිසේන මහත්මියගේ ආරක්ෂක නිලධාරියකු නමුත් ඔහු අත්අඩංගුවට ගැනීමට අපරාධ පරීක්ෂණ දෙපාර්තමේන්තුව අපොහොසත්ව ඇති බව ද නීතිඥවරයා අධිකරණයට දැන්වූවා.
මෙම සිද්ධියේ සැකකරු තම සේවාදායකයා වන ගුණසිරිලාල් නමැත්තා එම ආරක්ෂක නිලධාරියාගේ හිතවතෙකු බවත් කොළඹ වරායේ තිබෙන නිෂ්කාශනය නොකළ වාහන අටක් පිළිබඳ ව ඡායාරූප සමග තොරතුරු තම සේවාදායකයාට ලබා දී ඇත්තේ එම ආරක්ෂක නිලධාරියා බව ද නීතිඥවරයා අධිකරණය හමුවේ පැවසුවා.
එම ආරක්ෂක නිලධාරියා විසින් ලබා දුන් ඡායාරූප අටක් තම සේවාදායකයා දන්නා හඳුනන වැලිමඩ ප්රදේශයේ පදිංචි පැමිණිලිකාර සම්සුදීන් නමැති අයට යවා ඇති බව ද ඒ අනුව පැමිණිලිකරු විසින් එම වාහනයක් ගැනීම සඳහා සැකකරුවන් කීප දෙනෙකුගේ ගිණුම්වලට රුපියල් 2,7660000 ක මුදල් බැර කර ඇති බව ද නීතිඥවරයා අධිකරණයට දැන්වූවා.
මෙම සිද්ධිය සම්බන්ධයෙන් තවත් සැකකරුවකු අත්අඩංගුවට ගැනීම සඳහා විමර්ශන සිදු කරන බව ද පැමිණිල්ල මෙහෙයවන අපරාධ පරීක්ෂණ දෙපාර්තමේන්තුව මෙහදී අධිකරණය හමුවේ ප්රකාශ කළා.
සැකකරු වෙනුවෙන් පෙනී සිටි නීතිඥවරයා හා පැමිණිල්ල මෙහෙයවූ අපරාධ පරීක්ෂණ දෙපාර්තමේන්තුව අධිකරණය හමුවේ දැක්වූ කරුණු සලකා බැලූ මහේස්ත්රාත්වරිය මෙම සිද්ධියට සම්බන්ධ සියලු සැකකරුවන් අත්අඩංගුවට ගෙන අධිකරණයට ඉදිරිපත් කරන ලෙස ද නියෝග කෙරුණා.
wpDiscuz
