වන අලින්ගෙන් ආරක්ෂා වීම සඳහා නිවසක් අසළ ඉදිකර ඇති විදුලි වැටක් අසළින් ගමන් ගත් 14 හැවිරිදි දරුවෙක්, එම විදුලි වැටෙහි ඇති විදුලි සැර වැදීමෙන් ඊයේ (01) ජීවිතක්ෂයට පත්ව තිබෙනවා.
ඒ සිරිපුර පොලිස් වසමේ, පල්ලේගම ප්රදේශයේදී යි.
විදුලි සැර වැදුණු දරුවා, පල්ලේගම, සිරිපුර ප්රදේශයේ පදිංචි දරුවෙක් වන අතර ඔහු දෙහිඅත්තකණ්ඩිය රෝහලට ඇතුලත් කිරීමෙන් අනතුරුව ජීවිතක්ෂයට පත්වී තිබෙනවා.
වන අලින්ගෙන් ආරක්ෂා වීම සඳහා ඉඩම වටා කම්බි වැටක් ඇද ඇති අතර, එයට ඔහුගේ නිවසින් විදුලිය සම්බන්ධ කර ඇති බවයි වාර්තා වන්නේ.
අසල්වැසි නිවසක පදිංචිව සිටි මෙම දරුවා, එම විදුලි වැට අසළින් ගමන් කිරීමේදී මෙම අනතුර සිදුව ඇති බව දැනට සිදුකර ඇති විමර්ශනවල දී අනාවරණය වී තිබෙනවා.
අදාළ සිද්ධිය සම්බන්ධයෙන්, විදුලිවැට සකස් කරන ලද පුද්ගලයා අත්අඩංගුවට ගෙන ඇති අතර, සිරිපුර පොලිසිය විසින් වැඩිදුර විමර්ශන ක්රියාත්මක යි.
