ශ්රී ලංකාව තුළ බලපත්ර ලබා ගැනීමකින් තොරව නීති විරෝධී ලෙස අන්තර්ජාල සූදු සහ ඔට්ටු ඇල්ලීමේ සේවාවන් පවත්වා ගෙන යනු ලබන වෙබ් අඩවි 24කට ශ්රී ලංකාව තුළ පිවිසීම (Access) වහාම ක්රියාත්මක වන පරිදි අත්හිටුවීමට (Block) ඩිජිටල් ආර්ථික අමාත්යාංශය යටතේ පවතින ශ්රී ලංකා විදුලි සංදේශ නියාමන කොමිෂන් සභාව (TRCSL) විසින් ඊයේ (04) පියවර ගෙන තිබෙනවා.
මුදල්, ක්රම සම්පාදන සහ ආර්ථික සංවර්ධන අමාත්යාංශය යටතේ ක්රියාත්මක වන සුදු ක්රීඩා නියාමන අධිකාරිය (Gambling Regulatory Authority) විසින් 2025 අංක 17 දරන සූදු ක්රීඩා නියාමන අධිකාරිය පනතේ (Gambling Regulatory Authority Act, No. 17 of 2025) ප්රතිපාදන සහ බලතල ප්රකාරව කරන ලද දැනුම් දීමකට අනුව මෙම නියාමන පියවර ගෙන තිබෙනවා.
සුදු ක්රීඩා නියාමන අධිකාරී පනතේ 15, 16 සහ 18 වගන්ති යටතේ නියමිත වලංගු බලපත්ර ලබා ගැනීමකින් තොරව ශ්රී ලංකාව තුළ අන්තර්ජාල සුදු සේවාවන් පවත්වා ගෙන යාම සහ ප්රවර්ධනය කිරීම පනතේ 44 වගන්තිය ප්රකාරව වරදක් මෙන්ම නීති විරෝධී ක්රියාවක්.
ඒ අනුව, අදාළ නීතිවිරෝධී වෙබ් අඩවි වෙත ශ්රී ලංකාව තුළ සිට පිවිසීම වැළැක්වීම සඳහා විදුලි සංදේශ නියාමන කොමිෂන් සභාව විසින් සියලුම විදුලි සංදේශ සේවා සපයන්නන් වෙතඅවශ්ය උපදෙස් ලබා දී තිබෙනවා.
