කොළඹ රිජ්වේ ආර්යා ළමා රෝහලේ කොවිඩ් ආසාදිත දරුවන්ගේ වැඩිවීමක් පවතින බව එම රෝහලේ අධ්යක්ෂක වෛද්ය ජී. විජේසූරිය පවසනවා.
මේ වනවිටත් කොවිඩ් ආසාදිත දරුවන් දස දෙනෙකු පමණ රෝහලේ ප්රතිකාර ලබන බවයි වෛද්යවරයා සඳහන් කළේ.
දරුවාට උණ, කැස්ස හෙම්බිරිස්සාව වැනි රෝග ලක්ෂණ දුටුවොත් වෛද්ය ප්රතිකාර සඳහා යොමු කරන ලෙසත් එවැනි තත්ත්වයක් තුළ දරුවා පාසල වෙත නොයවන ලෙසත් වෛද්ය ජී. විජේසූරිය මව්පියන්ට දැනුම් දෙනවා.
මේ අතර ලංකාව තුළ පැතිරයමින් පවතින කොවිඩ් වෛරස ප්රභේදය රට තුළ දරුණු තත්ත්වයක් නිර්මාණය කරුණු ඇති බව ශ්රී ජයවර්ධනපුර විශ්වවිද්යාලයේ වෛද්ය පීඨයේ අසාත්මිකතා ප්රතිශක්තිවේදය හා සෛල ජීව විද්යා අංශයේ ප්රධානි ආචාර්ය චන්දිම ජීවන්දර පවසනවා.
ඒ හේතුවේ ඉදිරියේ දී ඇතිවිය හැකි තත්ත්වයන්ට සූදානම් විය යුතු බවයි ඔහු දන්වා සිටියේ.
ඔහු වැඩිදුරටත් සඳහන් කළේ ශ්රී ලංකාවේ මේ වනවිට පැතිර යන බී.ඒ.5 ලෙස හඳුන්වන ඔමික්රෝන් අනු ප්රභේදය ලොව පුරා ද ඉතා සීග්රයෙන් පැතිර යන බවයි.
ඊයේ (29) දිනයේ මෙරටින් කොවිඩ් 19 ආසාදිතයින් 143 දෙනෙකු හඳුනාගෙන ඇති අතර පසුගිය 28 වනදා සිදු වූ කොවිඩ් ආසාදිත මරණ 05ක් ද ඊයේ (29) දිනයේ තහවුරු කළා.
