ශ්‍රී ලංකාව සමඟ පළමු ටෙස්ට් තරගයට එක්වන පාකිස්ථාන කණ්ඩයම් මේ වනවිට නිල වශයෙන් ප්‍රකාශයට පත්කර තිබෙනවා.
මෙහිදී යසීර් ෂා සහ මොහොමඩ් නවාස් යළිත් පාකිස්ථාන ටෙස්ට් කණ්ඩායමට කැඳවන්නටයි එරට ක්‍රිකට් තේරීම් කමිටුව තීරණය අර ඇත්තේ.
ඒ අනුව මොහොමඩ් නවාස් ටෙස්ට් තරගයක් සඳහා එක්වන්නේ වසර 06කට පසු වන අතර යසීර් ෂා පාකිස්ථානය වෙනුවෙන් ටෙස්ට් ක්‍රිකට් තරගයකට එක්වෙන්නේ වසරකට පසුවයි.
මේ අතර අද තරගයේ දී පාකිස්ථානය වෙනුවෙන් සල්මන් අලි අගා ජාත්‍යන්තර ටෙස්ට් වරම් හිමි කරගැනීමට නියමිත මවයි ක්‍රිකට් ආරංචි මාර්ග සඳහන් කළේ.
අද තරගය ගාල්ල ජාත්‍යන්තර ක්‍රිකට් ක්‍රීඩාංගනයේ දී පෙරවරු 10.00ට ආරම්භ වීමට නියමිතයි.
පළමු තරගය වෙනුවෙන් නම් කළ පාකිස්ථාන කණ්ඩායම
බාබර් අසාම් (නායක), මොහොමඩ් රිස්වාන්, අබ්දුල්ලා ෂෆීක්, අසාර් අලී, හසන් අලී, ඉමාම් උල්හක්, මොහොමඩ් නවාස්, නසීම් ෂා, සල්මන් අලි අගා, ෂාහීන් අෆ්රිඩි, යසීර් ෂා
