ඉන්දියානුවන් සිව්දෙනෙකු ඇතුළු පුද්ගලයින් 22 දෙදෙනෙකු රැගත් නේපාල ගුවන් යානයක් අතුරුදන්ව තිබෙනවා.
යානය අතුරුදන් වන අවස්ථාවේ එහි ජපන් ජාතිකයින් තිදෙනෙකු ද සිට ඇති බවයි වාර්තා වන්නේ.
කත්මන්ඩු අගනුවරට කිලෝමීටර් 200ක් පමණ වයඹ දෙසින් පිහිටි සංචාරක නගරයක් වන පොකාරා සිට වයඹ දෙසින් කිලෝමීටර් 80ක් පමණ දුරින් වූ ජොම්සොම් දක්වා පියාසර කරමින් තිබූ ගුවන් යානයක් මෙලෙස අතුරුදන්ව ඇති බවයි විදෙස් මාධ්‍ය වාර්තා කළේ.
ත්‍රිභුවන් ජාත්‍යන්තර ගුවන් තොටුපළෙන් යානය ගුවන්ගත වී මිනිත්තු කිහිපයකට පසු එහි තිබූ සියලු සම්බන්ධතා නැති වී ගොස් ඇති බවයි විදෙස් වාර්තා වැඩිදුරටත් පවසන්නේ.
නේපාල ස්වදේශ කටයුතු අමාත්‍යාංශය පැවසුවේ අතුරුදන් වූ ගුවන් යානය සෙවීම සඳහා හෙලිකොප්ටර් යානා දෙකක් මේ වනවිට යොදවා ඇති බවයි.
