“ජන අරගලයට අත තියන්න එන්න එපා.. අත තිබ්බොත් බලාගමු” – අරගලකරුවන්ට සජිත් පළිහක් වෙනවාලු

රටේ තරුණ පරපුර ක්‍රියාත්මක කරනු ලබන ජන අරගලයට යම් හානියක් හෝ ප්‍රහාර එල්ල කිරීමට සූදනම්ව තිබූ බව විපක්ෂ නායක සජිත් ප්‍රේමදාස මහතා චෝදනා කළේ ය.

අද (අප්‍රේල් 19) පාර්ලිමේන්තුවේදී සභාව අමතමින් ඔහු සඳහන් කළේ, කතානායකවරයා මේ සම්බන්ධයෙන් ආරක්ෂක අංශ සහ පොලිස්පති සමග කතා කර එය සමනය කිරීමට කටයුතු කළ යුතු බව ය.

“ජන අරගලයට අත තියන්න එන්න එපා. ජන අරගලයට අත තියන්න එන්න එපා. ජන අරගලයට අත තිබ්බොත් අපි මේ සියලු දෙනා ම කණ්ඩායමක් හැටියට අපි එතන්ට යනවා ඒගොල්ලෝ ආරක්ෂා කරන පළිහක් හැටියට. ඒක හොඳට මතක තියා ගන්න,” යනුවෙන් ඔහු වැඩිදුරට ත් පැවසීය.