රථවාහන රාජකාරියේ නිරතව සිටි පොලිස් නිලධාරීන් දෙදෙනක්ව මෝටර් රථයක ගැටී තිබේ.
කළුතර, බණ්ඩාරගම මාර්ගයේ දීය අද (15) පස්වරුවේ එම අනතුර සිදුව තිබුණි.
අනතුරින් තුවාල ලැබූ මොරොන්තුඩුව පොලීසියේ රථවාහන අංශයේ ස්ථාධිපතිවරයා සහ කොස්තාපල්වරයා රෝහල්ගත කර තිබේ.
එම නිලධාරීන් දෙදෙනා කුඩා ලොරි රථයක් නවතා පරීක්ෂා කරන අතරතුර බණ්ඩාරගම දෙසින් පැමිණි මෝටර් රථය අසල තිබූ පළතුරු වෙළෙඳසැළකට කඩාවැදී පොලිස් නිලධාරීන් දෙදෙනා ද අනතුරට ලක්කරමින් කුඩා ලොරි රථයේ ගැටී ඇත.
කොස්තාපල්වරයාගේ තත්ත්වය බරපතළ බවද වාර්තා වෙයි.
දක්ෂිණ අධිවේග මාර්ගය ඔස්සේ පැමිණි මෝටර් රථය ගැලනිගම පිවිසුමෙන් පිටතට පැමිණ කළුතර දෙසට ගමන් කර ඇති අතර, රියදුරුට නින්දයාම හේතුවෙන් අනතුර සිදුවන්නට ඇති බවට සැක පළ කරයි.
