ගතවූ සති තුනක කාලයේ දී නියමු ව්‍යාපෘතියක් ලෙස ආරම්භ කළ සංචාරකයන් ගෙන්වීමේ වැඩසටහන යටතේ මෙරටට පැමිණි එක්දහස් පන්සියකට අධික සංචාරකයන්ගෙන් ඇමරිකානු ඩොලර් විසිදෙලක්ෂ පනස් දහසකට වැඩි ආදායමක් ලැබී තිබේ.
පසුගිය සිකුරාදා වන විට (15 වැනිදා) ගුවන් යානා නවයකින් යුක්රේන සංචාරකයන් එක්දහස් පන්සියකට වැඩි ප්‍රමාණයක් මෙටට පැමිණ තිබේ. එසේ පැමිණි සංචාරකයන්ගෙන් කොටසක් මේ වන විට ආපසු ගොස් ඇති අතර එම සංචාරකයන් අඩුම වශයෙන් දින දහයකට වැඩි කාලයක් මෙරට රැඳී ඇත. ඔවුන් හෝටල් කාමරයකට දිනකට ඇමරිකන් ඩොලර් 125-150ත් අතර මුදලක් වියදම් කර තිබේ. ඊට අමතර ඔවුන් එළියට ගොස් වෙනත් ස්ථානවල සංචාරය කිරීම් හා භාණ්ඩ මිලදී ගැනීමේ දී අඩුම තරමේ ඩොලර් සියකට වඩා වැඩියෙන් වියදම් කළ බව එම නියමු ව්‍යාපෘතිය භාර උදයංග වීරතුංග පැවසීය.
ඒ අනුව එම සංචාරකයන්ගෙන් ලැබුණු මුදල ලංකා මුදලින් රුපියල් කෝටි 42කට වැඩි බවද හෙතෙම සඳහන් කළේය.
