අමෙරිකාව ක්‍රිකට් පිටිය හොල්ලයි

අමෙරිකාව ලොව ප්‍රකටව සිටින්නේ මලල ක්‍රීඩා, පිහිනුම් වැනි ක්‍රීඩාවන් සඳහාය.

මේ වනවිට ඔවුන් ක්‍රිකට් පිටියේද ලොකු පෙරළියක් කිරීමට සූදානම් බව දැක්වෙන පෙරනිමිති පහළ වෙමින් පවතී.

එය විද්‍යමාන වූයේ ඊයේ ඔවුන් විස්සයි විස්ස ජාත්‍යන්තර ක්‍රිකට් තරගයකදී අයර්ලන්ත කණ්ඩායම පරාජය කරමිනි.

අමෙරිකාවේ “ලොඩර්හිල්” ක්‍රීඩාංගනයේ පැවති එම තරගයේ පළමුව පන්දුවට පහරදුන් අමෙරිකානුවන් සිය පන්දු ඕවර 20 තුළදී කඩුලු 6ක් දැවී ලකුණු 188ක් රැස්කළේය.

එහිදී සුශාන්ට් මොදානි ලකුණු 50ක් රැස්කළ අතර ගජනාන්ඩ් සිං ලකුණු 65ක් රැස්කළේය.

ඊට පිළිතුරු ලෙස අයර්ලන්ත කණ්ඩායම රැස්කළේ කඩුලු 6ක් දැවී ලකුණු 162ක් පමණි.

ඒ අනුව මෙම තරගයෙන් ලකුණු 26ක ජයක් ලැබීමට අමෙරිකාව සමත් විය.

ටෙස්ට් ක්‍රීඩා කරන රටකට එරෙහිව අමෙරිකාව වාර්තා කළ පළමු T20 ජයග්‍රහණයයි.