මේ වන විට රට තුළ පවතින ඩොලර් අර්බුදය හමුවේ කිසිසේත් විදුලිය කප්පාදු නොකරන බව බලශක්ති අමාත්‍ය උදය ගම්මන්පිල පවසනවා.
මේ බව පැවසුවේ අද දිනයට නියමිත අයවැය විවාදයට පෙර හිටපු අග්‍රාමාත්‍ය රනිල් වික්‍රමසිංහ මහතා යොමු කළ ප්‍රශ්නයකට පිළිතුරු ලබාදෙමින්.
අද දිනයේ විවාදයට ගැනෙන විදුලිබල අමාත්‍යාංශය ඇතුළු අමාත්‍යාංශවල අයවැය විවාදයන් ඉදිරියට ගෙන යාමට නම් රට තුළ ඇති ඩොලර් සංචිත ප්‍රමාණය පිළිබද පාර්ලිමේන්තුවට ඉදිරිපත් කරන ලෙසයි හිටපු අග්‍රාමාත්‍ය රනිල් වික්‍රමසිංහ මහතා එහිදී ඉල්ලීමක් කළේ.
