පවතින මිලට වඩා වැඩියෙන් ලිට්රෝ ගෑස් අලෙවි කරන වෙළෙඳුන් පිළිබඳව 1311 දුරකථන අංකය ඔස්සේ ලිට්රෝ ගෑස් සමාගම වෙත පාරිභෝගිකයන්ට පැමිණිලි කළ හැකි බව එම සමාගම නිවේදනය කර සිටිනවා.
ඒ අනුව ඉදිරිපත් වන පැමිණිලි පිළිබඳව වහාම සොයා බලා ගත හැකි ක්රියාමාර්ග ගන්නා බවද කිසිවිටෙකත් පවතින මිලට වඩා වැඩි මිලකට ගෑස් අලෙවි කිරීමට ලිට්රෝ ගෑස් සමාගම පියවර ගෙන නැති බවයි එහි ප්රකාශකයෙක් සඳහන් කර සිටින්නේ.
ඇතැම් ප්රදේශවල ලිට්රෝ ගෑස් හිඟයක් ඇති බවට වාර්තා වනවා නම් ඊට හේතුවී ඇත්තේ ලිට්රෝ සමාගම වෙත ගෑස් ලබා දෙන විදේශ සමාගම ගෑස් ලබාදීමේදී ප්රමාදයක් ඇති වූ නිසා බවද එම අවහිරතාව නිසා ගෑස් බෙදාහැරීමේ යම් ප්රමාදයක් සිදුවී ඇතැයිද එම නිසා ඇතැම් ප්රදේශවල ගෑස්වල හිඟයක් පැවැතිය හැකි බවද මෙම තත්ත්වය දින පහක් තුළ විසඳීමට ලිට්රෝ සමාගම කටයුතු කරන බවද එම සමාගම පැවැසුවේය.
විශේෂයෙන්ම කි.ග්රෑම් 12.5 ගෑස් සිලින්ඩරවල බරෙහි යම් ප්රශ්නකාරී බවක් පසුගිය දිනවල පැවැතියද එම ගැටලුවද මේ වනවිට විසඳා ඇතැයිද සමාගමේ ගෑස් සිලින්ඩරවල බර සම්බන්ධයෙන් කිසිදු ප්රශ්නයක් පාරිභෝගිකයන්ට ඇති වීමට ඉඩ නොදෙන බවද නිසි ආකාරව නියමිත බරට ගෑස් සැපයුම ඉදිරියටත් කරන බවද ලිට්රෝ ගෑස් සමාගම සඳහන් කර සිටින්නේ.
wpDiscuz
