තිස්සමහාරාම ප්‍රදේශයේ පාසල් දෙකක දරුවන් පස්දෙනකුට කොරෝනා ආසාදනය වීම හේතුවෙන් පන්ති කිහිපයක් වසා දැමීමට පියවර ගත් බව තිස්සමහාරාම සෞඛ්‍ය වෛද්‍ය නිලධාරී කාර්යාලයෙහි පරිපාලන මහජන සෞඛ්‍ය පරීක්ෂක අනුර විජේමුණි පැවසීය.
තිස්සමහාරාම, දෙබරවැව ජනාධිපති කනිෂ්ඨ විද්‍යාලයෙහි දරුවන් තිදෙනකුට, තිස්සමහාරාම ඇල්ලගල ප්‍රාථමික විද්‍යාලයෙහි දරුවන් දෙදෙනකුට කොරෝනා වයිරසය ආසාදනය වීම නිසා එලෙස පන්ති වසා දැමීමට පියවර ගෙන තිබේ.
වයිරසය ශරීරගත වූ දරුවන් හඳුනා ගැනීම සඳහා මේ වනවිට එම පාසලෙහි දරුවන්ගේ පීසීආර් පරීක්ෂණ සිදු කෙරෙන බවද මහජන සෞඛ්‍ය පරීක්ෂකවරයා සඳහන් කළේය.
තිස්සමහාරාම ප්‍රදේශයේ ග්‍රාම නිලධාරී වසම් 18ක් තුළ මේ දිනවල පැතිරී යන කොරෝනා වයිරසය ආසාදිත වූවන් සංඛ්‍යාව සති දෙකක් තුළ 233 දක්වා ඉහළ ගොස් ඇති බවද ඔහු කීවේය.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
3
