සපුගස්කන්ද මාබිම මාර්ගය අසල කසළ ගොඩක තිබී අද සොයාගත් අත්පා ගැටගසා ගමන් මල්ලක බහාලූ කාන්තා මළ සිරුර සම්බන්ධයෙන් තොරතුරු කිහිපයක් මේ වන විට පොලීසිය විසින් සොයාගෙන තිබෙනවා.
පොලීසිය පැවසුවේ අදාළ කාන්තාව අවුරුදු 35ත් 40ත් අතර වයසේ පසුවන්නියක බවට සැකකරන බවයි. මළ සිරුර බහාලූ ගමන් මල්ල පැදුරකින් ඔතා තිබෙන අයුරුද දක්නට ලැබුණි.
මෙම ස්ථානයෙන් දුඟදක් හමන බවට ලැබුණු තොරතුරක් මත පරික්ෂා කිරීමේදී සිරුර හමුව තිබු අතර මියගිය කාන්තාවගේ අනන්යතාව මෙතෙක් තහවුරු කරගෙන නොමැති බවයි පොලීසිය පැවසුවේ.
මියගිය කාන්තාව කළු සහ රතු වර්ණවලින් යුතු ගවුමකින් සැරසී සිටින අතර මළ සිරුරේ අත්පා ගැටගසා ඇති බව පොලීසිය සඳහන් කර සිටියේ.
මළ සිරුර දැඩි ලෙස නරක්වී ඇති ආකාරයක් දක්නට ඇති අතර දින 5කට පමණ පෙර ඇය මියගොස් ඇති බවට සැක කර සිටියි.
ඊයේ එම ස්ථානයට පැමිණි මහර වැඩබලන මහෙස්ත්රාත් රමණි සිරිවර්ධන මහත්මිය මහෙස්ත්රාත් පරීක්ෂණය සිදුකළ අතර පසුව මළ සිරුරු පශ්චාත් මරණ පරීක්ෂණ කටයුතු සඳහා රාගම ශික්ෂණ රෝහල වෙත රැගෙන යනු ලැබුවා.
