මැණිකේ මගේ හිතේ’ ගීත නිර්මාණකරු චමත් සංගීත්ට යූටියුබ් එකෙන් ලැබුණු තෑග්ග

මෑත කාලයේදී වඩාත්ම කතාබහට ලක්වුණු සංගීතඥයෙක් තමයි චමත් සංගීත්. මැණිකේ මගේ හිතේ ගීතයේ සංගීත නිර්මාණකරු වන්නේ චමත්. මැණිකේ මගේ හිතේ ගීතයෙන් යොහානි ලොවක් හඳුනාගනිද්දී ඒ පසුපස හිටියේ චමත් සංගීත්. චමත් මෑත කාලයේදී නිර්මාණය කළ ගීත සියල්ලම යූ ටියුබ් තුළ Trending ලැයිස්තුවට පවා පැමිණියා. ඒ අතර නෑසුනා, ලිය ලියා, හීනය වැනි ගීත මිලියන ගණනින් නරඹා තිබෙනවා.

චමත් සංගීත්ගේ C Music යූ ටියුබ් නාලිකාවට පසුගිය දිනෙක යූ ටියුබ් ආයතනයෙන් පිරිනමන Silver play button එක හිමි ව තිබෙනවා. ඒ C Music යූ ටියුබ් නාලිකාවේ සබ්ස්ක්‍රයිබර්ස් ප්‍රමාණය ලක්ෂයේ සීමාව පසු කිරීම නිසා. මෙහි ඇති විශේෂත්වය වන්නේ C Music යූ ටියුබ් නාලිකාවේ වීඩියෝස් හතක් පමණක් සහිත වීමයි.