ත්රිකුණාමලයේ තෙල් ටැංකි 100 ම ඉන්දියාවට සතු බවට බලශක්ති අමාත්ය උදය ගම්මන්පිල පසුගිය දා සිදු කළ ප්රකාශය සම්බන්ධයෙන් අද පාර්ලිමේන්තුවේ දී උණුසුම් සංවාදයක් හටගත්තා.
ඒ පාර්ලිමේන්තු මන්ත්රී චමින්ද විජේසිරි යොමු කල අතුරු පැනයකදීයි.
මේ අතර, කෝපා හෙවත් රාජ්ය මුදල් කාරක සභාවේ දෙවන වාර්තාව මේ වනවිට පාර්ලිමේන්තුව වෙත ඉදිරිපත් කර තිබෙනවා.
එහි සභාපති, පාර්ලිමේන්තු මන්ත්රී මහාචාර්ය තිස්ස විතාරණ සඳහන් කළේ, රාජ්ය ආයතනවල මහා පරිමාණ ලෙස මහජන මුදල් අවභාවිතය පිළිබඳව තමා කම්පනයට පත් වූ බවයි.
ඊට උදාහරණ දෙකක් ද ඔහු විසින් ඉදිරිපත් කරනු ලැබුවා.
දේශීය ආදායම් දෙපාර්තමේන්තුවේ බදු එක්රැස් කිරීමේ ක්රමදෙකක් පවතින අතර ඉන් එක් ක්රමයක් යටතේ රැස් කළ යුතු බදු ප්රමාණය රුපියල් බිලියන 107ක් වුවත් අනෙක් ක්රමය යටතේ එය රුපියල් බිලියන 183 ක පමණ ඉහළ මුදල් ප්රමාණයක්.
මේ පිළිබඳව විමර්ශනය කළ යුතු බව ඔහු සඳහන් කළා.
එමෙන්ම, ශ්රී ලංකා රේගුවේ සහ මෝටර් රථ ප්රවාහන දෙපාර්තමේන්තුවේ විරෝධතා හේතුවෙන් ගිලන් රථ ලෙස අඩු තීරුබදු යටතේ බෙන්ස්රථ ගෙන්වූ අවස්ථා ද අදාළ වාර්තාවේ සඳහන් වන බවයි කෝපා සභාපති පාර්ලිමේන්තු මන්ත්රී මහාචාර්ය තිස්ස විතාරණ කියා සිටියේ.
