රජයේ රෝහල්වල ප්‍රතිකාර ලබන කොවිඩ් රෝගීන් සඳහා අවශ්‍ය කරන දෛනික ඔක්සිජන් ප්‍රමාණය මේ වන විට සෑහෙන මට්ටමකින් අඩු වී ඇතැයි සෞඛ්‍ය අමාත්‍යා කෙහෙළිය රඹුක්වැල්ල පවසනවා.
මීට සති කිහිපයකට පෙර රෝහල්වල ප්‍රතිකාර ලැබූ කොවිඩ් රෝගීන් සදහා දිනකට ඔක්සිජන් ටොන් 140ක පමණ ප්‍රමාණයක් අවශ්‍යව තිබුණත් අද වන විට එම ප්‍රමාණය සීග්‍රයෙන් අඩුවී ඇතැයි හෙතෙම කියයි.
කොවිඩ් ආසාදිත රෝගීන්ගේ රෝග තත්ත්වය උත්සන්න නොවීම හා රෝහල් ගත වන රෝගීන් ප්‍රමාණය අඩුවීම නිසා මෙලෙස ඔක්සිජන් ප්‍රමාණය අඩු වී ඇති බවයි ඇමැතිවරයා පවසන්නේ.එමෙන්ම දෛනික වශයෙන් වාර්තාවන මරණ වලද අඩුවක් දක්නට ලැබනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
57
