ගුරු විදුහල්පති වරුන් විසින් මේ වන විට ආරම්භ කර ඇති වෘත්තිය සමිති ක්රියාමාර්ගය සාකච්ඡා මාර්ගයෙන් විසඳීමට අවශ්ය ක්රියාමාර්ග ගන්නා බව නව අධ්යාපන අමාත්ය දිනේෂ් ගුණවර්ධන මහතා ප්රකාශ කළා.
හෙතෙම මේ බව කියා සිටියේ පූජ්ය ඇල්ලේ ගුණවංශ හිමියන් බැහැදැකීමෙන් අනතුරුව සිදු කල සාකච්ඡාවකදීයි.
මේ අතර ගුරු විදුහල්පති වැටුප් විෂමතා ගැටලුව සම්බන්ධයෙන් ගුරු වෘත්තීය සමිති නියෝජිතයින් සහ ඒ පිළිබඳව සොයා බැලීමට පත් කළ අමාත්ය අනුකමිටුව අතර අද පැවැත්වීමට නියමිතව තිබූ සාකච්ජාව කල්දමා තිබෙනවා.
ලංකා ගුරු සංගමයේ ප්රධාන ලේකම් ජෝසෆ් ස්ටාලින් මහතා කියා සිටියේ අද පස්වරුවේ පැවැත්වීමට නියමිතව තිබූ මෙම සාකච්ඡාව හෙට දක්වා කල් දමා ඇති බවයි.
මේ අතර සිය ගැටළුවලට මෙතෙක් විසඳුම් ලබා නොදීමට විරෝධය පළ කරමින් සයිබර් අවකාශයේ විරෝධතා ව්යාපාරයක් ද අද පවත්වන බව ගුරු විදුහල්පති වෘත්තීය සමිති සන්ධානය ප්රකාශ කළා.
