රත්නපුර පැල්මඩුල්ලේ පෞද්ගලික පතලකින් හමුවූ ලොව ලොකුම මැණික එහි අයිතිකරුගේ කැමැත්ත මත විදේශ වෙන්දේසියේ විකිණීමට පියවර ගන්නා බව මැණික් හා මැණික් ආශ්රිත කර්මාන්ත රාජ්ය අමාත්ය ලොහාන් රත්වත්තේ මහතා පැවැසුවා.
මෙම මැණිකට විශේෂ පොලිස් ආරක්ෂාවක් ලබාදුන් බවද ඔහු සඳහන් කළා.
වෙන්දේසියේ විකිණීමට ප්රථම පළමුවෙන්ම එහි වටිනාකම තක්සේරු කරගත යුතු වන බවත් මැණික් හා ස්වර්ණාභරණ අධිකාරිය එම කටයුතු දැනටමත් ආරම්භ කර ඇති බවත් රාජ්ය ඇමතිවරයා වැඩි දුරටත් ප්රකාශ කළා.
චීනයේ මැණික් වෙන්දේසිය ලබන නොවැම්බර් මාසයේදී පැවැත්වෙන බව කී ලොහාන් රත්වත්තේ මහතා මෙම මැණික එම වෙන්දේසියේදී විකුණා ගැනීමට හැකි වනු ඇතැයිද ප්රකාශ කළා.
මැණික අලෙවි කරන මුදලින් 10% රජයට හිමි වන බවද ඔහු ප්රකාශ කළා. රටේ මුදල් ප්රශ්නයක් පවතින මොහොතක මෙවැනි වටිනා මැණිකක් හමුවීම වාසනාවක් බවත් අයිතිකරුගේද කැමැත්ත අනුව මෙය හැකි ඉක්මනින්ම විකුණා ගැනීමට බලාපොරොත්තු වන බවත් රත්වත්තේ මහතා ප්රකාශ කළා.
රත්නපුර පැල්මඩුල්ලේ පෞද්ගලික පතලකින් හමුවූ මෙම ආරුනූල් මැණික් සමූහය කිලෝ ග්රෑම් 510ක පමණ බරින් යුක්ත වූවකි. මෙය ලෝකයේ මෙතෙක් හමුවූ විශාලතම ආරනූල් මැණික් සමූහය ලෙස සැලකේ.
කෙසේ නමුත් මෙය මීට මාස 8 කට පෙර සොයා ගන්නා ලද එකක් බවයි මැණික් හා ස්වර්ණාභරණ අධිකාරියේ සභාපති තිලක් වීරසිංහ මහතා පැවසුවේ.
මේ දක්වා එය මාධ්යයෙන් වසන් කර තැබුවේ එහි වටිකම අධික නිසා බවයි සභාපතිවරයා වැඩිදුරටත් ප්රකාශ කළේ.
පම්කක් ඇති