අනවසරයෙන් වරාය නගරයට ඇතුළුවීමට උත්සහ කළ අයට වැඩ වැරදුණ හැටි

කොළඹ වරායට අනවසරයෙන් පුද්ගලයින් හතරදෙනෙකු රැගෙන යාමට තැත් කළ චීන ජාතිකයෙකු අත්අඩංගුවට ගෙන තිබෙනවා.

වරාය නගරය සහ කොළඹ වරාය අතර, ඉදිකරමින් පවතින අධිවේගී මාර්ගයේ කටයුතු සඳහා මිනිස් ශ්‍රමය සපයන සමාගමක හිමිකරුවෙකු වන මෙම චීන ජාතිකයා සමඟ අනෙක් හතර දෙනා ද මෙලෙස අත්අඩංගුවට ගෙන ඇති බවයි පොලිසිය සඳහන් කළේ.

වරාය තුළට පිවිසීමේදී අනුගමනය කළ යුතු අවසර පත්‍ර ලබාගැනීමකින් තොරව මොහු මෙම  පිරිස මෙලෙස වරාය තුළට රැගෙන යාමට උත්සාහ කර තිබෙනවා.

සැකකරුවන් වැඩිදුර විමර්ශණ සඳහා වෙරළබඩ පොලීසිය වෙත භාරදී ඇති බවයි වාර්තා වන්නේ.