ඇහැළියගොඩ පොලිස් වසමේ නැදුරන ප්රදේශයේදී තියුණු ආයුධයකින් පහරදීම හේතුවෙන් බරපතල තුවාල ලැබූ පුද්ගලයෙක් ඇහැළියගොඩ රෝහලට ඇතුළත් කිරීමෙන් පසු මියගොස් ඇති බව පොලිසිය පවසනවා.
මෙලෙස ජීවිතක්ෂයට පත්ව ඇත්තේ, වයස අවුරුදු 17 ක් වූ ඇරාපොල, ඇහැළියගොඩ ප්රදේශයේ පදිංචිකරුවෙක්.
මරණකරු හා තියුණු ආයුධයකින් පහරදුන් පුද්ගලයා සමග ඇතිවූ ආරවුලක් දුරදිග යාම හේතුවෙන් තියුණු ආයුධයකින් මරණකරුගේ නිවස අසලදී පහරදී මෙම ඝාතනය සිදුකර ඇති බවට සිදු කළ විමර්ශනයේදී අනාවරණය වී තිබෙනවා.
සැකකරු ප්රදේශයෙන් පලාගොස් ඇති අතර අත්අඩංගුවට ගැනීම සඳහා ඇහැලියගොඩ පොලිසිය වැඩිදුර විමර්ශන සිදු කරනු ලබනවා.
