සීමාසහිත ලංකා සීනි (පුද්ගලික) සමාගමේ සෙවනගල ඒකකයේ කර්මාන්තශාලාව නැවත දැනුම් දෙන තුරු දින නියමයක් නොමැතිව වසා දැමීමට, එහි පාලනාධිකාරිය තීරණය කර තිබෙනවා.
එම සමාගම විසින් මේ සමබන්ධයෙන් නිවේදනයක් නිකුත් කරමින් සඳහන් කර ඇත්තේ සමාගමේ සේවකයින් විසින් සිදුකරන වැඩ වර්ජනය හේතුවෙන් ආයතනයට සිදුවන මූල්යමය අලාභය අවමකර ගැනීම සඳහා මෙම පියවර ගත් බවයි.
පසුගිය 25 වැනිදා සෙවනගල ඒකකයේ යම් සේවක පිරිසක් විසින් සිය රාජකාරි කටයුතුවලින් බැහැරව නිෂ්පාදන කටයුතු ආරම්භ නොකිරීමට පියවර ගෙන තිබූ අතර, මේ හේතුවෙන් සමාගමට සිදුවන මූල්යමය අලාභය වැළැක්වීම සඳහා පසුගිය 26 සහ 27 යන දෙදින තුළ අත්යවශ්ය සේවා හැර අනෙකුත් සේවකයින්ට නිවාඩු ලබා දීමට කටයුතු කර තිබෙනවා.
ඊයේ (28) දිනයේ දී නැවත නිෂ්පාදන කටයුතු ආරම්භ කරන ලෙස ප්රධාන මෙහෙයුම් නිලධාරී විසින් දැනුම් දී තිබුණ ද නැවත කර්මාන්තශාලාවේ කටයුතු ආරම්භ කිරීමෙන් පසුව ද සේවකයින් විසින් සුපුරුදු පරිදි වැඩ වර්ජනය තවදුරටත් පවත්වාගෙන යාම හේතුවෙන් මෙලෙස කර්මාන්තශාලාව දින නියමයක් නොමැතිව වසා දැමීමට තීරණය කර ඇති බව නිවේදනයේ සඳහන් වනවා.
