වියළි කාලගුණ තත්ත්වයක් පැවතිය ද ජල සැපයුම සම්බන්ධන්යෙන් ගැටළුවක් නොමැති බව ජල සම්පාදන හා ජලාපවහන මණ්ඩලයේ සභාපති චන්දන බණ්ඩාර පවසනවා.
සභාපතිවරයා පවසන්නේ ජල සම්පාදන මණ්ඩලය මගින් ලබාදෙන ජලය ගැටලුවකින් තොරව ලබාදීමට මේ වන විට අවශ්‍ය ප්‍රමාණයට ජලය පවතින බවයි.
කෙසේ වෙතත් ඉදිරියේ දී යම්කිසි ආකාරයකින් ජල හිඟයක් ඇති වුවහොත් ඒ සඳහා මුහුණ දීමට භූගත ජලය ලබාගැනීමට මේ වන විට කටයුතු සම්පාදනය කරමින් පවතින බව ඔහු සඳහන් කර සිටියා.
අඩු පීඩන යටතේ හෝ ජලය නොලැබෙන ප්‍රදේශ ඇත්නම් එම ප්‍රදේශ සඳහා බවුසර් මඟින් ජලය ලබාදීමට කටයුතු කරන බවයි අද (17) පෙරවරුවේ මාධ්‍ය වෙත අදහ දක්වමින් සභාපතිවරයා සඳහන් කර සිටියේ.
මේ අතර 2027 වසරේ පෙබරවාරි, මාර්තු සහ අප්‍රේල් මාසවල දී වියළි කාලගුණයෙන් වැඩි පීඩා එල්ල විය හැකි බව කාලගුණ අංශ මඟින් ජල සම්පාදන මණ්ඩලය වෙත දැනුම් දී ඇති බවත් සභාපතිවරයා වැඩිදුරටත් අදහස් දක්වමින් පැවසුවා.
, ජල සම්පාදන මණ්ඩලයේ ජලාශ සහ මහවැලි මෙන්ම වාරිමාර්ග දෙපාර්තමේන්තුවේ ජල පිරිපහදු කිරීම සඳහා භාවිත කරන ජලාශවල ජල මට්ටම සියයට පනස් හයක මට්ටමක පවතින බවත් ජාතික ජල සම්පාදන හා ජනපවාහන මණ්ඩලයේ සභාපති ඉංජිනේරු චන්දන බණ්ඩාර මහතා පවසයි.
