බ්රිතාන්යය බර්මින්හැම් හිදී පැවැත්වෙන යුරෝපීය මලල ක්රීඩා ශූරතාවලි පිරිමි හෙල්ල විසි කිරීමේ ඉසව්වේ රන් පදක්කම දිනාගන්නට ජර්මනියේ ජුලියන් වෙබර්ට හැකියාව ලැබුණා.
ජුලියන් වෙබර් මෙහි දී දැක්වූ දකෂතාවය මීටර් 90.40ක්.
යුරෝපීය මලල ක්රීඩා ශූරතාවලියක හෙල්ල විසි කිරීමේ ඉසව්වේ දී, මීටර් 90 කට වැඩි දක්ෂතාවයක් දැක්වූ පළමු ක්රීඩකයා බවට
පත්වන්නට ඒ අනුව ජුලියන් වෙබර් සමත් වුණා.
මීට පෙර 1998 වසරේදී බ්රිතාන්යයේ ස්ටීව් බැක්ලි මීටර් 89.72ක දුරක් වාර්තා යුරෝපීය මලල ක්රීඩා ශූරතාවලියේ හෙල්ල විසි කිරීමේ වාර්තාව පිහිටුවා තිබුණා.
මේ අතර ජුලියන් වෙබර් වාර්තා කළ මීටර් 90.40ක දුර, මෙම වසරේ හෙල්ල විසි කිරීමේ ඉසව්වේ ක්රීඩකයෙක් වාර්තා කළ දෙවැනියට හොඳම දුරවීම ද විශේෂත්වයක්.
එය ශ්රී ලංකාවේ රුමේෂ් තරංග වාර්තා කළ මීටර් 92.62ක දක්ෂතාවට පමණක් දෙවැනි වෙනවා.
මේ අතර හෙල්ල විසි කිරීමේ ඉස්සව්වේ ලොව අංක 01 සහ අංක 02 ක්රීඩකයන්වන රුමේෂ් තරංග සහ ජුලියන් වෙබර් මේ දක්වා මෙම වසරේ දී එකිනෙකා මුණගැසී නොමැති අතර, අගෝස්තු 20 සහ 21 දෙදින තුළ පැවැත්වෙන ලුසාන් ඩයමඩ් ලීග් තරගාවලිය තුළ බොහෝ විට ඔවුන් එකිනෙනා මුණ ගැසෙනු ඇති බවට විශ්වාස කෙරෙනවා.
