BRICS රටවල වේගවත් ගෙවීම් පද්ධති සහ මහ බැංකු ඩිජිටල් මුදල් ඒකක (CBDC) එකිනෙකට සම්බන්ධ කිරීම පිළිබඳ සාකච්ඡා සිදුවෙමින් පවතින බව ඉන්දීය මහ බැංකු අධිපති සංජේ මල්හෝත්රා පවසනවා.
මුම්බායිහි පැවති උත්සවයකදී අදහස් දක්වමින් ඔහු සඳහන් කළේ දේශසීමා හරහා සිදුකරන ගෙවීම්වල පිරිවැය අඩු කිරීම BRICS රටවලට වැදගත් කරුණක් වී ඇති බවයි.
CBDC සම්බන්ධ කිරීම සහ රටවල වේගවත් ගෙවීම් පද්ධති අතර සබඳතා ඇති කිරීම ඇතුළු විවිධ විකල්ප මේ වනවිට සාකච්ඡා මට්ටමේ පවතින බවද ඔහු සඳහන් කළා.
බ්රසීලය, රුසියාව, ඉන්දියාව, චීනය සහ දකුණු අප්රිකාව ඇතුළු රටවලින් සමන්විත BRICS කණ්ඩායමේ 2026 සමුළුව ඉන්දියාවේදී පැවැත්වීමට නියමිතයි.
ඉන්දීය මහ බැංකුව රුපියල ජාත්යන්තරකරණය කිරීම සහ දේශසීමා ගනුදෙනු හා වෙළෙඳාම සඳහා දේශීය මුදල් භාවිතය ප්රවර්ධනය කිරීමේ වැඩපිළිවෙළද තවදුරටත් ක්රියාත්මක කරන බව මල්හෝත්රා පැවසුවා.
මේ අතර, මූල්ය ක්ෂේත්රයේ කෘත්රිම බුද්ධිය භාවිත කිරීම පිළිබඳවද ඔහු අදහස් පළ කළා.
කෘත්රිම බුද්ධිය අවදානමක් ලෙස පමණක් නොව ප්රයෝජනයට ගත යුතු හැකියාවක් ලෙස සැලකිය යුතු බවත්, ඉන්දීය බැංකුවලට එහි භාවිතයෙන් ඉවත්ව සිටිය නොහැකි බවත් ඔහු පැවසුවා.
එමෙන්ම බැංකු භාවිත කරන සියලුම AI ආකෘති හඳුනාගෙන, අධ්යක්ෂ මණ්ඩල අනුමැතිය සහිත AI පාලන ප්රතිපත්ති ස්ථාපිත කළ යුතු බවද ඉන්දීය මහ බැංකු අධිපතිවරයා අවධාරණය කළා.
