මැලේසියාවේ දී අත්අඩංගුවට ගෙන මෙරටට රැගෙන ආ සංවිධානාත්මක අපරාධකරුවෙකු වන කංජිපානි ඉම්රාන්ගේ සමීපතමයෙකු බව කියන ‘රත්මලානේ සයිමා’ නමැත්තා පැය 48ක කාලයක් රැඳවුම් භාරයේ තබාගෙන ප්‍රශ්න කිරීමට අවසර ලබා දී තිබෙනවා.
සැකකරු අද (11) මහනුවර මහේස්ත්‍රාත් අධිකරණට ඉදිරිපත් කිරීමෙන් අනතුරුවයි මෙම නියෝගය නිකුත් කර ඇත්තේ.
මේ අතර ‘රත්මලානේ සයිමා’ සමඟ ඊයේ (10) මැලේසියාවේ සිට ගෙන ආ අනෙක් සැකකරුවන් දෙදෙනා අද (11) දින ගුවන්තොටුපළ පොලිසිය මගින් මීගමුව අධිකරණයට ඉදිරිපත් කළා.
එහිදි ගුවන්තොටුපළ පොලිසියේ නිලධාරීන් අධිකරණයට කියා සිටියේ, මෙම සැකකරුවන් දෙදෙනා අපරාධකරුවෙකු වන රත්මලානේ සයිමා නැමැත්තා සමඟ රැඳි සිටිය දී මැලේසියාවේ සිට අත්අඩංගුවට ගෙන මෙරටට රැගෙන ආ බවයි.
එහිදී අතිරේක මහෙස්ත්‍රාත් සුභානි අබේසේකර මහත්මිය නියෝග කළේ සැකකරුවන් දෙදෙනා ලබන 17 දක්වා රක්ෂිත බන්ධනාගාරගත කරන ලෙසයි.
වැඩිදුරටත් විමර්ශන සිදුකර ප්‍රගතිය වාර්තා කරන ලෙස ද අතිරේක මහෙස්ත්‍රාත්වරිය නියෝග කළා.
අධිකරණයට ඉදිරිපත් කළ සැකකරුවන් වන්නේ, සැකකරුවන් වන්නේ ලඩ්ඩු හන්දිගේ ලසන්ත ලක්මාල් සිල්වා සහ වියානගේ ඉෂාන් ශලින්ද කුමාර යන අයයි.
