සිරියාවේ හිටපු ජනාධිපති බෂාර් අසාද් ඔහුගේ බාල සොහොයුරා වන මහර් අල්-අසාද් සහ ඥාති සහෝදරයා වන අටෙෆ් නජිබ්ට මානවත්වයට එරෙහි අපරාධ සහ යුද අපරාධ සම්බන්ධයෙන් මරණ දඬුවම නියම කර තිබෙනවා.
සිරියානු අධිකරණයක් විසින් මෙම තීන්දුව ලබා දී ඇති අතර, අසාද් සහ ඔහුගේ සහෝදරයා අධිකරණයේ පෙනී නොසිටි අවස්ථාවක දී නඩුව විභාගයට ගෙන මෙම දඬුවම නියම කර ඇති බවයි විදෙස් මාධ්ය වාර්තා කර තිබුණේ.
වසර 14 කට ආසන්න කාලයක් පැවති රටේ යුද්ධයේ දී ලක්ෂ පහකට ආසන්න පිරිසකට ජීවිත අහිමිව සිදුවූ යුද අපරාධ සහ මානව වර්ගයාට එරෙහි අපරාධ සම්බන්ධයෙන් මොවුන්ට මෙම දඬුවම හිමි වුණා.
2024 දෙසැම්බර් මාසයේදී බලයෙන් පහ කරන ලද අසාද් සහ ඔහුගේ සොහොයුරා රුසියාවට පලා ගොස් ඇති අතර, අත්අඩංගුවට පත් වූ අටෙෆ් නජීබ් බන්ධනාගාර ඇඳුමින් සැරසී අධිකරණ කූඩුවේ සිටියදී මෙම තීන්දුව ප්රකාශයට පත් කර තිබෙනවා.
