පාතාල නායක කංජිපානි ඉම්රාන්ගේ ඥාතියෙකුගේ හිසට වෙඩි තබා ඝාතනය කිරීමේ සිද්ධිය සම්බන්ධයෙන් කොටහේන පොලිසිය විසින් කොළඹ ප්‍රධාන මහේස්ත්‍රාත් අධිකරණයට කරුණු වාර්තා කර තිබෙනවා.
ඒ, කොළඹ අතිරේක මහේස්ත්‍රාත් ලියාන් වරුෂ විතාන හමුවේයි.
සිද්ධිය සම්බන්ධයෙන් වැඩිදුරටත් අධිකරණයට කරුණු දැක්වූ කොටහේන පොලිසිය වෙනුවෙන් අධිකරණයේ පෙනී සිටි පොලිස් සැරයන් (12104) කැලුම් ප්‍රියන්ත පවසා සිටියේ නාදුනන වෙඩිකරුවන් දෙදෙනෙකු ලෙස ඇවිත් හිසට සහ බෙල්ලට වෙඩි තබා ඇති බවයි.
එලෙස වෙඩි වැදී ඝාතනයට ලක්ව ඇත්තේ ව්‍යාපාරිකයකු වන සංඝරාජ මාවතේ අංක 480 පදිංචි මොහොමඩ් අස්පි මෝහිදින් නමැත්තෙක්.
සිද්ධියට අදාළව සැකකරුවන් සොයා විමර්ශන කටයුතු සිදුකරන බවත් තවමත් සැකකරුවන් සම්බන්ධයෙන් තොරතුරු අනාවරණය නොවු බවයි එම නිලධාරියා අධිකරණයට දන්වා සිටියේ.
සිද්ධිය සම්බන්ධයෙන් වැඩිදුරටත් විමර්ශන කටයුතු පවත්වා අධිකරණයට වැඩිදුර වාර්තාවක් ඉදිරිපත් කිරීමට කටයුතු කරන බවද විමර්ශන නිලධාරියා අධිකරණයට දන්වා සිටියා.
ඉදිරිපත් වූ කරුණු සලකා බැලු මහේස්ත්‍රාත්වරයා සිද්ධිය සම්බන්ධයෙන් කඩිනමින් විමර්ශනය කළ අධිකරණයට කරුණු වාර්තා කරන ලෙස නියෝග කළා.
