මෙරටින් වාර්තා වන ඩෙංගු මරණ සංඛ්යාව 63ක් දක්වා ඉහළ ගොස් ඇති බව ජාතික ඩෙංගු මර්දන ඒකකය සඳහන් කරනවා.
මේ අතර මෙම වසරේ ගතවූ කාලය තුළ වාර්තා වී ඇති ඩෙංගු රෝගීන් සංඛ්යාව 88,000 ඉක්මවා ගොස් ඇති බවයි එම ඒකකය සඳහන් කළේ.
ඒ අනුව මේ වනවිට මෙරටින් වාර්තා වන ඩෙංගු රෝගීන් සංඛ්යාව රෝගීන් 88,088ක්.
මේ අතර මෙම මස ගෙවුණු කාලසීමාව තුළ පමණක් ඩෙංගු රෝගීන් 2,739ක් වාර්තා වී ඇති බවයි ජාතික ඩෙංගු මර්දන ඒකකය පැවසුවේ.
කොළඹ දිස්ත්රික්කයෙන් ඩෙංගු රෝගීන් 17,490ක්ද, මහනුවරින් 6,195ක්ද, මාතරින් 5,910ක්ද කළුතර දිස්ත්රික්කයෙන් 5,753ක් ලෙසද මේ වනවිට වාර්තා වී තිබෙනවා.
