පවතින අධික වැසි හේතුවෙන් දිවයිනේ දිස්ත්රික්ක 11ක් මේ වනවිට බලපෑමට ලක්ව ඇති බව ආපදා කළමනාකරණ මධ්යස්ථානය දැනුම් දෙනවා.
මහනුවර, නුවරඑළිය, කෑගල්ල, මාතලේ, මාතර, රත්නපුර, ත්රිකුණාමලය, හම්බන්තොට, ගාල්ල, පුත්තලම සහ අනුරාධපුර එලෙස බලපෑමට ලක්ව ඇති දිස්ත්රික්ක වනවා.
මෙහිදී පවුල් 4,151කට අයත් පුද්ගලයින් 16,345 දෙනෙකු බලපෑමට ලක්ව ඇති බවයි ආපදා කළමනාකරණ මධ්යස්ථානය පවසන්නේ.
මේ අතර පවතින අයහපත් කාලගුණ තත්ත් වය හේතුවෙන් සිදු වූ අනතුරුවලින් පුද්ගලයින් 08 දෙනෙකුට මේ වනවිට ජීවිත අහිමිවී තිබෙනවා.
එමෙන්ම නිවස 581කට අර්ධ හානි සිදුව ඇති අතර, එක නිවසක් සම්පූර්ණයෙන් හානියට පත්ව ඇති බවයි ආපදා කළමනාකරණ මධ්යස්ථානයේ දත්තවල දැක්වෙන්නේ.
මේ අතර අයහපත් කාලගුණයෙන් බලපෑමට ලක් වූ පවුල් 682ක පුද්ගලයින් 2,504 දෙනෙක් සුරක්ෂිත මධ්යස්ථාන 43ක මේ වනවිට රඳවා සිටිනවා.
