ශ්රී ලංකා නාවික හමුදාධිපති වයිස් අද්මිරාල් ඩේමියන් ප්රනාන්දු පෙරේදා (08) දිනයේ දී සිය ධුරයේ ප්රථම නිල හමුවීම සඳහා ජනාධිපති ලේකම් කාර්යාලයේදී ජනාධිපති අනුර කුමාර දිසානායක හමුවුණා.
ඒ අනුව, සම්ප්රදායන්ට අනුකූලව පැවති මෙම නිල හමුවේදී, ශ්රී ලංකා නාවික හමුදාවේ 27 වැනි නාවික හමුදාධිපති ධුරයට පත්වීම නිමිත්තෙන් ජනාධිපතිවරයා විසින් නාවික හමුදාධිපති වෙත සිය සුබ පැතුම් පිරිනමන ලද අතර, නව ධුරයේ රාජකාරි සාර්ථකව ඉටු කිරීම සඳහා සිය සුබාශිංසන ද එක් කරනු ලැබුවා.
තවද මෙම නිල හමුවීම සනිටුහන් කරමින්, නාවික හමුදාධිපති විසින් ජනාධිපතිවරයා වෙත සමරු තිළිණයක් පිරිනැමීම ද එහිදී සිදු කෙරුණා.
