නුවරඑළිය සංචාරක නිකේතනයක දී භෞත චිකිත්සකවරියක් ඝාතනය කර ඇයගේ මළ සිරුර තෙල්දෙණිය ප්රදේශයේ දී මෝටර් රථයක් තුළ දමා යාමේ සිද්ධියේ ප්රධාන සැකකරුවන ඇයගේ විවාහක පෙම්වතා සහ ඔහුගේ බිරිඳ පසුගිය 24 වනදා අලුයම් කාලයේ යාපනය ප්රදේශයේ දී අත්අඩංගුවට ගනු ලැබුවා.
අත්අඩංගුවට ගැනුණු ප්රධාන සැකකරු සහ ඔහුගේ බිරිඳ පසුව වැඩිදුර විමර්ශන සඳහා නුවරඑළිය පොලිස් ස්ථානය වෙත භාරදීමෙන් අනතුරුව ඊයේ (25) නුවරඑළිය මහේස්ත්රාත් අධිකරණය වෙත ඉදිරිපත් කරනු ලැබුවා.
මෙම අවස්ථාවේ දී ප්රධාන සැකකරුට අපරාධය සඳහා සහාය වූ බව කියන කුණ්ඩසාලේ ප්රදේශය සභාවේ රියදුරෙක් ද අත්අඩංගුවට ගෙන අධිකරණය වෙත ඉදිරිපත් කළා.
එහිදී අධිකරණය විසින් සැකකරුවන්ව පැය 48ක් රඳවා තබාගෙන ප්රශ්න කිරීමට වසර ලබා දුන්නා.
එම ප්රශ්න කිරීම්වල දී පොලිසිය ප්රධාන සැකකරුගෙන් තවත් තොරතුරු රැසක් අනාවරණය කරගෙන තිබෙනවා.
ප්රධාන සැකකරු පොලිසියට හෙළිකර ඇත්තේ, අපරාධය සිදුකිරීමෙන් අනතුරුව අත්අඩංගුවට පත්වන අවස්ථාව දක්වා, අවස්ථා තුනක දී බිරිඳ සහ දරුවා සමඟ බස් රථවලින් යාපනය ප්රදේශයට ගිය බවයි.
දිවා කාලයේ සැගවී සිටීමට නොහැකි නිසා කාලය ගෙවා දැමීමේ අරමුණින් යාපනය ප්රදේශයට ගොස් නවාතැන් ගෙන ආපසු මිතුරන්ගේ නිවෙස්වලට පැමිණ සැඟව සිටි බවයි සැකකරු අනාවරණය කර ඇත්තේ.
මේ අතර සැකකරුට කිසිඳු අවස්ථාවක ඉන්දියාවට හෝ වෙනත් රටකට පැන යෑමට උත්සහයක නිරත නොවූ බවට විමර්ෂණ කටයුතුවලදී අණාවරණය වී තිබෙනවා.
සැකකරු සන්තකයේ විශාල මුදල් ප්රමාණයක් නොතිබීම හමුවේ එය තහවුරු වන බවයි පොලිසිය පවසන්නේ.
මේ අතර ප්රධාන සැකකරුට සහාය වූ බවට වළාන මධ්යම දූෂණ මර්ධන ප්රහාරක ඒකකය මගින්, කුණ්ඩසාලේ පොලිස් පුහුණු පාසලේ ස්ථානාධිපතිවරයා අත්අඩංගුවට ගෙන තිබෙනවා.
පොලීසියෙන්ම උපදෙස් අරගන පොලීසියෙන් හැංගෙන්න.
අර මොසාඩ් කතාව මතක් වෙනවා