රුපියල් මිලියන 1950ක වියදමකින් අධි තාක්ෂණික නවීනතම CT ස්කෑන් යන්ත්ර 11ක් මෙරට රෝහල් පද්ධතියට හිමිව ඇති බව සෞඛ්ය හා ජන මාධ්ය අමාත්යංශය සඳහන් කරනවා.
මෙරට සෞඛ්ය සේවාවේ භෞතික සම්පත් සංවර්ධනය කරමින් ජනතාවට වඩාත් ගුණාත්මක සෞඛ්ය සේවාවක් ලබාදීම සඳහා සෞඛ්ය හා ජනමාධ්ය අමාත්ය වෛද්ය නලින්ද ජයතිස්සගේ උපදෙස් හා මඟ පෙන්වීම මත සෞඛ්ය හා ජනමාධ්ය අමාත්යාංශය මේ වන විට පුළුල් වැඩසටහනක් සම්පාදනය කර තිබෙනවා.
රෝග විනිශ්චය සේවා නවීකරණය හා පුළුල් කිරීමේ කටයුතු සඳහා ප්රමුඛත්වයක් ලබා දෙමින් මෙම වැඩසටහන ක්රියාත්මකයි.
මෙම වැඩසටහනේ සුවිශේෂත්වය වනුයේ එය සෞඛ්ය අමාත්යාංශය යටතේ පවතින රෝහල්වලට පමණක් සීමා නොවී පළාත් සභා රෝහල් ද ආවරණය කිරීමයි.
එමඟින් දුරබැහැර ප්රදේශවල ජනතාවට ද ප්රධාන නගරවලට පමණක් සීමා වී තිබූ උසස් රෝග විනිශ්චය පහසුකම් ප්රාදේශීයව ද ලබා ගැනීමේ අවස්ථාව හිමිවනු ඇති.
