පාස්කු ඉරිදා බෝම්බ ප්රහාරය සිදු වී ආසන්න දිනයක දී, ශ්රී ලංකාවේ විමර්ශන ආයතන සතුව ප්රමාණවත් විශේෂඥ දැනුමක් නොතිබූ බැවින්, ප්රහාරය සම්බන්ධයෙන් පූර්ණ විමර්ශනයක් පවත්වා වාර්තාවක් ලබාදෙන ලෙස අමෙරිකානු ජනාධිපති ඩොනල්ඩ් ට්රම්ප් පැවැත්වූ දුරකථන සංවාදයේදී, එවකට මෙරට අග්රාමාන්ය රනිල් වික්රමසිංහ ඉල්ලා සිටි බව එක්සත් ජාතික පක්ෂය විසින් නිවේදනයක් නිකුත්කරමින් පවසනවා.
ඒ අනුව රහස් පරීක්ෂණ දෙපාර්තමේන්තුව (CID), හමුදා බුද්ධි අංශ සහ රාජ්ය බුද්ධි සේවය ඇතුළු ශ්රී ලංකා බලධාරීන් සමඟ ඒකාබද්ධව අමෙරිකාවේ FBI ආයතනය විසින් ප්රහාර පිළිබඳව පූර්ණ විමර්ශනයක් පවත්වනු ලැබූ බවත් එම නිවේදනයේ සඳහන්.
ඒ සම්බන්ධයෙන් වාර්තා කරන ලද සියලුම තොරතුරු සහ එකතු කරන ලද ද්රව්ය පදනම් කර ගනිමින්, FBI ආයතනය විසින් ශ්රී ලංකා රජයට වාර්තාවක් නිකුත් කළ බවත්, මෙරට සියලුම අදාළ බලධාරීන් එය පිළිගත් බවත් එක්සත් ජාතික පක්ෂය පවසනවා.
2020 නොවැම්බර් 12 වැනි දින, FBI හි විශේෂ නියෝජිත මෙරිලී ආර්. ගොඩ්වින් (Merrilee R. Godwin) විසින් කැලිෆෝනියා මධ්යම දිස්ත්රික්කය සඳහා වන එක්සත් ජනපද දිස්ත්රික් උසාවියේ පිටු 71 කින් යුත් දිවුරුම් ප්රකාශයක් ගොනු කරන ඇති බවට පෙන්වා දෙන එක්සත් ජාතික පක්ෂය වසර දෙකක විමර්ශනයකින් පසුව, එනම් 2020 දෙසැම්බර් 11 වැනි දින ලොස් ඇන්ජලීස්හි එක්සත් ජනපද දිස්ත්රික් උසාවියේ අපරාධ නඩුවක් ගොනු කළ බව සඳහන් කර තිබෙනවා.
පැමිණිල්ලේ නම් කර ඇති විත්තිකරුවන් (මොහොමඩ් නවුෆර්, මොහොමඩ් අන්වර් මොහොමඩ් රිස්කාන් සහ අහමඩ් මිහාන් හයාතු මොහොමඩ්), ප්රහාරයට සම්බන්ධ අනෙකුත් සැකකරුවෝ නඩුව ගොනු කරන අවස්ථාව වන විටත් ශ්රී ලංකාවේ රැඳවුම් භාරයේ පසු වූ බවත් එක්සත් ජනපද විමර්ශනයට අදාළ සම්පූර්ණ තොරතුරු සහ සාක්ෂි FBI ආයතනය හෝ අධිකරණ දෙපාර්තමේන්තුව හෝ සතුව බැවින්, රජය විසින් නැවත විමර්ශන ආරම්භ කර ඇති පසුබිමක මේ තොරතුරුත්, සාක්ෂින් ලබා ගැනීම සඳහා ඇමරිකානු රජයට අයදුම්පතක් ඉදිරිපත් කර තිබේද යන්න එක්සති ජාතික පක්ෂ විසින් ප්රශ්න කරනවා.
එසේ අයදුම්පතක් ඉදිරිපත් කර තිබේ නම් ඒ සඳහා ලැබුණු පිළිතුර කුමක්ද යන්නත් එක්සති ජාතික පක්ෂය විමසනවා.
එසේ නොමැති නම්, රජය අයදුම්පතක් ඉදිරිපත් නොකිරීමට හේතුව කුමක්ද යන්නත් එක්සත් ජාතික පක්ෂ විසින් එම නිවේදනයේ අවසානයේ ප්රශ්නකර තිබෙනවා.
