ශ්රී ලංකා රග්බි සම්මේලනයට එරෙහිව විනය ක්රියාමාර්ග ගන්නා බව ක්රීඩා අමාත්ය සුනිල් කුමාර ගමගේ පවසනවා.
ආසියානු රග්බි ශූරතාවලියේ දකුණු කොරියාවට එරෙහිව පැවැත්වීමට නියමිතව තිබූ තරගය සඳහා ශ්රී ලංකා රගර් කණ්ඩායමට කොරියාවට යෑමට නොහැකිවීම පිළිබඳව මෙලෙස රග්බි සම්මේලනයට එරෙහිව විනය ක්රියාමාර්ග ගන්නා බවයි අමාත්යවරයා සඳහන් කළේ.
ශ්රී ලංකා රග්බි කණ්ඩායමට කොරියාව සඳහා යෑමට අවශ්ය වීසා නියමිත කාලය තුළ දී ලබාගැනීමට රග්බි සම්මේලනය අපොහොසත්වීම හේතුවෙන් මෙලෙස විනය ක්රියාමාර්ග ගන්නා බවයි ඔහු වැඩිදුරටත් සඳහන් කළේ.
මාධ්ය වෙත අදහස් දක්වමින් අමාත්යවරයා අවධාරණය කළේ වීසා සහ ප්රවේශපත්ර ලබාගැනීමේ වගකීම සම්පූර්ණයෙන්ම අදාළ ක්රීඩා සම්මේලනයට මිස අමාත්යාංශයට නොමැති බවයි.
ඒ, අනුව ශ්රී ලංකා රග්බි කණ්ඩායමට දකුණු කොරියාව යෑමට නොහැකිවීම පිළිබඳ සම්පූර්ණ වගකීම රග්බි සම්මේලනය විසින් ගත යුතු බවයි ඔහු වැඩිදුරටත් සඳහන් කළේ.
