ට්රැක්ටර් රථයක් අළුත්වැඩියා කරමින් සිටියදී එක්වරම එය ඉදිරියට ධාවනය වී වයස් අවුරුදු 20ක තරුණයෙක් එම රථයේ රෝදයකට යටවී ජීවිතක්ෂයට පත්වීමේ අවාසනාවන්ත පුවතක් කනගරායන්කුලම් පොලිස් වසමේ කුරුසුට්ටුකුලම් ප්රදේශයෙන් වාර්තා වනවා.
ඊයේ (02) සවස් කාලයේ සිදුව ඇති මෙම අනතුරින් තුවාල ලැබු එම තරුණයා පුලියන්කුලම රෝහල වෙත ඇතුලත් කිරීමෙන් පසුව මියගොස් ඇති බවයි වාර්තා වන්නේ.
ඔහු කුරුසුට්ටුකුලම් ප්රදේශයේ පදිංචිකරුවෙක්.
කුරුසුට්ටුකුලම් කෝවිල පිහිටි ඉඩම පිරිසිදු කිරීම සඳහා අදාළ තරුණයා ට්රැක්ටර් රථය පණගැන්වීමේදී එහි කාර්මික දෝෂයක් හටගෙන ඇති අතර, ඔහු විසින් ට්රැක්ටර් රථය අළුත්වැඩියා කරමින් සිටියදී එක්වරම ඉදිරියට ධාවනය වී මරණකරු එම රථයේ රෝදයකට යටවී මෙම අනතුර සිදුව ඇති බවට දැනට සිදු කරන ලද විමර්ශනයේදී අනාවරණය වී ඇති බව පොලිසිය පවසනවා.
කනගරායන්කුලම් පොලිසිය විසින් වැඩිදුර විමර්ශන සිදු කරනු ලබනවා.
