ලෝක වෙළෙඳපොළේ ඉන්ධන මිල ගණන් අනුව ඉදිරියේ දී මෙරට ඉන්ධන මිල ගණන් සංශෝධනයේ දී මිල අඩුවීමක් බලාපොරොත්තු විය නොහැකි බව ඛනිජ තෙල් නීතිගත සංස්ථාවේ කළමනාකාර අධ්‍යක්ෂ මයුර නෙත්තිකුමාරගේ පවසනවා.
අද (29) පැවති මාධ්‍ය හමුවක දී කළමනාකාර අධ්‍යක්ෂවරයා සඳහන් කර සිටියේ සැප්තැම්බර් මාසය දක්වා ඉන්ධන මිලේ අඩුවීමක බලාපොරොත්තු විය නොහැකි බවයි.
පසුගිය මාර්තු සහ අප්‍රේල් මාසයන්ට සාපේක්ෂව මේ වන විට ඉන්ධන මිල ගණන්වල යම් අඩුවීමක් පෙන්නුම් කරන නමුත් මැදපෙරදිග යුද්ධයට පෙර ලෝක වෙළෙඳපොළේ ඉන්ධන මිල ගණන් පැවැති මිලට වඩා වැඩි මිලකට තවදුරටත් පවතින බවඔහු සඳහන් කළා.
ලෝක වෙළෙඳපොළේ ඉන්ධන මිල අද (29) පස්වරුව වන විට තීරණය වනු ඇති බව පැවසූ ඔහු ඒ අනුව එම තත්ත්වයන් සලකා බැලීමකින් පසුව මෙරට ඉන්ධන මිල සම්බන්ධව තීරණයක් ගනු ලබන බවත් ඒ සඳහා වන සකච්ඡාවක් ලබන සඳුදා පවත් වන බවත් ඔහු පැවසුවා.
