2026 යල කන්නයේ දී කුඹුරු ඉඩම් හෙක්ටයාර 550,000ක් වගා කරනු ඇතැයි ඇස්තමේන්තු කර තිබුණ ද, එම ප්රමාණය හෙක්ටයාර 450,000 – 500,000 ක් පමණ වනු ඇතැයි මේ වන විට ඇස්තමේන්තු කර තිබෙනවා.
ඒ සඳහා යූරියා පොහොර මෙට්රික්ටොන් 75,000ක් පමණ අවශ්ය වන බවටයි ගණනය කර ඇත්තේ.
රට තුළ පැවති පොහොර සංචිතවලින් මේ වන විට මෙට්රික්ටොන් 48,297.87ක් ගොවිජන සේවා කාරක සභා මඟින් මිල දී ගෙන බෙදා හරිමින් පවතිනවා.
2026 යල කන්නය සඳහා ස්ථාවර මිලකට පොහොර සැපයීම තහවුරු කිරීම සඳහා කිලෝග්රෑම් 50ක යූරියා පොහොර මිටියක් රුපියල් 10,200 ක මිලකට ගොවින් වෙත ගොවිජන සේවා මධ්යස්ථාන මඟින් ලබා දීම සඳහා 2026-04-06 දින පැවති අමාත්ය මණ්ඩල රැස්වීමේදී අනුමැතිය ලබා දී තිබෙනවා.
ඒ අනුව, 2026 යල කන්නය සඳහා තවදුරටත් අවශ්ය වන යූරියා පොහොර මෙට්රික්ටොන් 15,000ක් ගොවිජන සේවා කාරක සභා මඟින් මිල දී ගෙන ගොවීන් වෙත සැපයීම අමාත්ය මණ්ඩලය විසින් අනුමතකර තිබෙනවා.
