ශ්රී ලංකාවේ පාකිස්ථාන ඉස්ලාමීය ජනරජයේ මහ කොමසාරිස්, විශ්රාමික මේජර් ජෙනරාල් නයියර් නසීර් ඊයේ (30) අරලියගහ මන්දිරයේ දී අග්රාමාත්ය ආචාර්ය හරිනි අමරසූරිය හමුවුණා.
‘දිට්වා’ සුළි කුණාටුවෙන් පසුව පාකිස්ථාන රජය ශ්රී ලංකාව වෙත ලබාදුන් අඛණ්ඩ සහයෝගය සහ සහාය පිළිබඳව අග්රාමිත්යතුමිය මෙහිදී කෘතඥතාව පළ කළා.
ගෞරවය, මිත්රත්වය සහ පොදු අභිලාෂයන් මත පදනම් වූ ශ්රී ලංකාව සහ පාකිස්ථානය අතර පවතින දිගුකාලීන සහ සුහද සබඳතා පිළිබඳව දෙපාර්ශවයම මෙහිදී සිහිපත් කර සිටියා.
එමෙන්ම අධ්යාපන, සංචාරක සහ ක්රීඩා වැනි ප්රධාන ක්ෂේත්රයන්හි සහයෝගීතාව තවදුරටත් ශක්තිමත් කිරීමේ වැදගත්කම පිළිබඳව ද මෙහිදී අවධානය යොමු වූ අතර, ද්විපාර්ශ්වික සබඳතා ශක්තිමත් කිරීමට ශ්රී ලංකාවේ ඇති කැපවීම යළි තහවුරු කිරීමත්, දෙරටේ ජනතාව අතර පවතින සබඳතා වර්ධනය කිරීමත් මෙන්ම සහයෝගීතාව සඳහා නව අවස්ථා නිර්මාණය කිරීම ද මෙහි මූලික අරමුණ වුණා.
