මෙවර ඉන්දීය ප්රිමියර් ලීග් තරඟාවලියේ ලක්නව් සුපර් ජයන්ට්ස් කණ්ඩායම නියෝජනය කිරීමට නියමිතව සිටි ශ්රී ලංකා දඟපන්දු යවන ක්රීඩක වනිඳු හසරංග වෙනුවට වෙනත් ආදේශක ක්රීඩකයෙකු නම් කිරීමට එම කණ්ඩායම තීරණය කර තිබෙනවා.
ලක්නව් කණ්ඩායමේ ක්රිකට් අධ්යක්ෂ ටොම් මූඩි ප්රකාශ කර ඇත්තේ, ඉදිරි දින දෙක ඇතුළත මෙම ආදේශක ක්රීඩකයා නිල වශයෙන් ප්රකාශයට පත් කරන බවයි.
අයි.පී.එල් සඳහා තවමත් ක්රීඩා කර නොමැති දකුණු අප්රිකානු වමත් දඟපන්දු යවන ක්රීඩක ජෝර්ජ් ලින්ඩේ හසරංගගේ ආදේශකය ලෙස නම් කිරීමට ඉඩ ඇති බවයි ක්රීඩා මාධ්ය වාර්තා කරන්නේ.
පසුගිය පෙබරවාරි මාසයේ පැවති විස්සයි විස්ස ලෝක කුසලාන තරඟාවලියේ දී වනිඳුගේ වම් පාදයේ මස්පිඬු ආබාධයකට ලක් වූ අතර, ඔහු තවමත් පූර්ණ සුවය ලබා නැහැ.
එමෙන්ම වනිඳු අයි.පී.එල් තරඟාවලියට සහභාගී වීම සඳහා අවශ්ය වන නිල අවසරය ලබාගැනීමට නම් ශ්රී ලංකා ක්රිකට් ආයතනය පවත්වන අනිවාර්ය ශාරීරික යෝග්යතා පරීක්ෂණයට පෙනී සිටිය යුතු අතර, ඔහු තවමත් එම පරීක්ෂණයට පෙනී සිට නැහැ.
ලක්නව් සුපර් ජයන්ට්ස් කණ්ඩායම විසින් වනිඳු හසරංගඉන්දීය රුපියල් කෝටි 02ක මුදලකට මිල දී ගනු ලැබුවා.
