ඉන්දීය ප්රිමියර් ලීග් තරගාවලියේ සන්රයිසස් හයිද්රාබාද් කණ්ඩායම නියෝජනය කරන පැට් කමින්ස් හයිද්රාබාද් කඳවුරෙන් ඉවත් වී යළි ඕස්ට්රේලියාවට ගොස් ඇති බව වාර්තා වනවා.
ඔහුගේ පිටේ ආබාධය හේතුවෙන් අවසන් ස්කෑන් පරීක්ෂණයකට භාජනයවීම සඳහන් කමින්ස් යළි ඕස්ට්රේලියාවට ගොස් ඇති බවයි තොරතුරු වාර්තා වුණේ.
පැට් කමින්ස්ගේ ස්කෑන් පරීක්ෂණය ඕස්ට්රේලියානු ක්රිකට් අධීක්ෂණය යටතේ සිදු කිරීමට සැලසුම් කර ඇති ක්රියා පටිපාටියක් බවයි වාර්තා වන්නේ.
සන්රයිසස් හයිද්රාබාද් සහ කොල්කටා නයිට් රයිඩර්ස් අතර බ්රහස්පතින්දා කොල්කටාහි දී පැවති තරඟයෙන් පසුව කමින්ස් ඕස්ට්රේලියාව බලා පිටත්ව ගොස් තිබෙනවා.
ඕස්ට්රේලියානු ක්රිකට් හි අවසරය ලබාගැනීමෙන අනතුරුව පැට් කමින්ස් ලබන 17 වනදා යළි හයිද්රාබාද් සංචිතය සමඟ එක්වනු ඇති බවයි තොරතුරු වාර්තා වුණේ.
කෙසේ වෙතත් මෙවර තරගාවලියේ හයිද්රාබාද් කණ්ඩායම සහභාගී වූ පළමු තරග දෙකේ දී පැට් කමින්ස් ක්රීඩා කළේ නැහැ.
මේ අතර සන්රයිසස් හයිද්රාබාද් කණ්ඩායම මුහුණ දෙන මීළඟ තරගය අද (05) ලක්නව් සුපර් ජයන්ට්ස් කණ්ඩායම සමඟ පැවැත්වීමට නියමිතයි.
