කොළඹ දිස්ත්රික්කට අවශ්ය ජල සැපයුම 80%ක් සිදුකරන අඹතලේ ජල මූලාශ්රය පවතින වියළි කාලගුණ තත්ත්වයෙන් කිසිඳු ගැටළුකාරී තත්ත්වයක් මේ වනවිට පැනනැගී නොමැති බව ජාතික ජලසම්පාදන හා ජලාපවාහන මණ්ඩලයේ සභාපති ඉංජිනේරු චන්දන බණ්ඩාර සඳහන් කරනවා.
අඹතලේ ජල මූලාශ්රයට ජලය ලබාගන්නා කැළණි ගඟේ ජල මට්ටම අවශ්ය ප්රමාණයට පවතින බවත්, ඒ අනුව අඹතලේ ජල මූලාශ්රය මඟින් ජල නිෂ්පාදනය උපරිම ධාරිතාවයකින් සිදුකරන බවයි සභාපතිවරයා පැවසුවේ.
අද (04) පෙරවරුවේ මාධ්ය හමුවක් පවත්වමින් ජාතික ජලසම්පාදන හා ජලාපවාහන මණ්ඩලයේ සභාපතිවරයා මේ බව සඳහන් කළා.
ඒ, අනුව කොළඹ දිස්ත්රික්කයේ 80%ක ප්රමාණයකට කිසිඳු ගැටළුවක් නොමැතිව ජල සැපයුම සිදුකළ හැකි බවත්, ඉතිරි 20%ක ප්රමාණයට ජලය සැපයීමේ යම් ගැටළුවක් පවතින බවයි ඔහු වැඩිදුරටත් පැවසුවේ.
මේ අතර කොළඹ දිස්ත්රික්කයේ ප්රදේශ කිහිපයකට ක්රියාත්මක කරන පැය 18ක ජල කප්පාදුව ඉදිරි දින දෙක තුළ මෙම කාලසීමාව තව දුරටත් අඩු කිරීමට කටයුතු කරන බව සඳහන් කළ ඔහු එම සීමාව බොහෝ දුරට පැය 12ක් විය හැකි බවයි දැනුම් දුන්නේ.
wpDiscuz
