මාලදිවයින ඉන්දියාවෙන් ඉන්ධන සැපයුම් අපේක්ෂා කරන අතර, එරට අසල්වැසි රටවලට ඉන්ධන නැව්ගත කිරීම දිගටම කරගෙන යන බව ඉන්දියාවේ විදේශ අමාත්යාංශයේ ප්රකාශකයෙක් බ්රහස්පතින්දා පැවසුවා.
ලෝකයේ සිව්වන විශාලතම පිරිපහදු කරන්නා වන ඉන්දියාව, වාණිජ කටයුතු යටතේ බංග්ලාදේශය, නේපාලය, භූතානය සහ ශ්රී ලංකාවට ඉන්ධන සපයන බව රන්ධීර් ජයිස්වාල් ප්රවෘත්ති සාකච්ඡාවකදී පැවසූ බවයි විදෙස් මාධ්ය වාර්තා කරන්නෙ.
“කෙටි කාලීන සහ දිගු කාලීන පදනමින් ඛනිජ තෙල් නිෂ්පාදන සැපයීම සඳහා මාලදිවයින රජය ද අප හා සම්බන්ධ වී ඇත. අපගේම ලබා ගැනීමේ හැකියාව සහ අපගේම අවශ්යතා සැලකිල්ලට ගනිමින් මාලදිවයිනේ ඉල්ලීම පරීක්ෂා කරනු ලැබේ,” ජයිස්වාල්ගේ අදහසයි.
ලෝක බැංකු දත්ත වලට අනුව, මාලදිවයින සාමාන්යයෙන් එහි ඉන්ධන බොහොමයක් ඕමානයෙන් ලබා ගන්නවා.
මැද පෙරදිගින් තෙල් සහ තෙල් නිෂ්පාදන නැව්ගත කිරීම ඉරානය සමඟ එක්සත් ජනපද-ඊශ්රායල යුද්ධයෙන් බාධා ඇති වී ඇති අතර, එය බලශක්ති සැපයුම් සඳහා ප්රධාන සංක්රමණ ස්ථානයක් වන හෝර්මුස් සමුද්ර සන්ධිය වසා දැමීමට හේතු වී තිබෙනවා.
ඉන්දියාව මොරිෂස් සහ සීෂෙල්ස් සමඟ වත්මන් බලශක්ති තත්ත්වය පිළිබඳව ද සාකච්ඡා කරමින් සිටින බව ජයිස්වාල් ප්රකාශ කළා.
“අපට ඔවුන්ගෙන් තවමත් කිසිදු ඉල්ලීමක් ලැබී නැහැ,” ඔහු පැවසුවා.
හෝර්මුස් සමුද්ර සන්ධියේ සිරවී ඇති තෙල් සහ ද්රව පෙට්රෝලියම් ගෑස් සහ ද්රව ස්වාභාවික ගෑස් වැනි නිෂ්පාදන රැගෙන යන තම නෞකා ආරක්ෂිතව ප්රවාහනය කිරීම සඳහා ඉන්දියාව ඉරානය සහ අනෙකුත් රටවල් සමඟ කතා කරමින් සිටින බව ජයිස්වාල් පැවසුවා.
මේ වන විට ඉන්දියාව ගල්ෆ් කලාපයෙන් LPG ප්රවාහන නෞකා හයක් ඉවත් කර ගැනීමට සමත් වී තිබෙනවා .
ඉන්දීය ධජය සහිත යාත්රා දහඅටක් තවමත් සමුද්ර සන්ධියේ සිරවී ඇති බව ෆෙඩරල් නැව් අමාත්යාංශයේ අතිරේක ලේකම් මුකේෂ් මංගල් පැවසුවා.
ලෝකයේ තුන්වන විශාලතම තෙල් ආනයනකරු සහ පාරිභෝගිකයා වන ඉන්දියාවේ පිරිපහදුකරුවන් ද එක්සත් ජනපදය සම්බාධක ඉවත් කිරීමට අවසර දීමෙන් පසු ඉරාන තෙල් මිලදී ගැනීමට සූදානම් වෙමින් සිටිනවා.
ඉන්දියාව අවසන් වරට ඉරාන තෙල් ආනයනය කළේ 2019 දී ය.
