මැදපෙරදිග කලාපයේ යුදමය වාතාවරණයක් ඇතිව තිබුණ ද, මේ වනවිට රට තුළ දින 37-45 පමණ කාලයක ප්රමාණවත් ඉන්ධන තොග පවතින බැවින් අනවශ්ය බියක් ජනතාව ඇති කරගත යුතු නැති බව ලංකා ඛනිජ තෙල් බෙදුම්කරුවන්ගේ සංගමය සඳහන් කරනවා.
අද (01) පෙරවරුවේ මාධ්ය හමුවක් පවත්වමින් එහි විධායක කමිටු සාමාජික ඩී.වී.ශාන්ත සිල්වා මේ බව සඳහන් කළා.
මෙහිදී වැඩිදුරටත් අදහස් දැක්වූ ඔහු පැවසුවේ අද ඉරිදා දිනයක් වුවත් අද දිනය තුළ ද ඉන්ධන බෙදාහැරීමේ කටයුතු අඛණ්ඩව සිදුවන අතර හෙට (02) දිනයට යෙදී ඇති පෙහොය දිනය තුළ ද දිවයින පුරා ඉන්ධන බෙදාහැරීමේ කටයුතු සිදුකරන බවයි.
වැඩිදුරටත් අදහස් දැක් වූ ඩී.වී.ශාන්ත සිල්වා,
“සාමාන්යයෙන් මෙම තත්ත්වය උදාවෙන්න ඉස්සල්ලා අද (01) සාමාන්යයෙන් නිවාඩු දිනයක් ඉරිදා දිනය. දීර්ඝ සති අන්ත නිවාඩුවක් නිසා IOC සමාගම මීට ප්රථමම ඔවුන් තීරණය කරලා තිබුණ ඉන්ධන බෙදාහැරීම් කටයුතු ඒ අනුව සාමාන්ය පරිදිම ඉන්ධන බෙදාහැරීම සිදු වෙනවා. පෝය දිනයක් තුළ ඉන්ධන ප්රවාහන කටයුතු සිදුනොවුනත් ඊට පෙර තීරණය කර ගත් පරිදි CPSL ආයතනය හෙට (02) දිනයේ ඉන්ධන බෙදාහැරීම් කටයුතු සිදුකරනවා. ඒ සඳහා ටැංකි රථ අවශ්ය ප්රමාණයට යොදවලා තියෙන්නේ. ඉන්ධන සම්බන්ධයෙන් කිසිම අනියත බියක් ඇති කරගත යුතු නැහැ.”
