පන්දුවාර විස්සයි විස්ස ලෝක කුසලාන ක්රිකට් තරගාවලියේ සුපිරි 08 දෙනාගේ තරග වටය අද (21) සිට ආරම්භ වනවා.
කණ්ඩායම් අටක් කාණ්ඩ දෙකක් යටතේ මෙහිදී තරග වැදීමට නියමිත අතර ශ්රී ලංකාව, නවසීලන්තය, පාකිස්ථානය සහ එංගලන්තය 01 කාණ්ඩය යටතේ තරග වැදීමට නියමිතයි.
02 කාණ්ඩය යටතේ ඉන්දියාව, දකුණු අප්රිකාව, බටහිර ඉන්දීය කොදෙව් සහ සිම්බාබ්වේ යන රටවල් තරග වදිනවා.
01 කාණ්ඩය යටතේ පැවැත්වෙන සියලුම තරගය ශ්රී ලංකාවේ පැවැත්වෙන අතර, 02 කාණ්ඩය යටතේ පැවැත්වෙන තරග ඉන්දියාව තුළ පැවැත්වීමටයි නියමිතව ඇත්තේ.
මේ අතර මූලික වටයේ තරග සඳහා ශ්රී ලංකාවේ ක්රීඩා කළ සිම්බාබ්වේ කණ්ඩායම සුපිරි 08 වටයේ තරග සඳහා ඊයේ (20) ඉන්දියාව බලා පිටත්ව ගියා.
එලෙස ඉන්දියාව බලා පිටත්ව ගිය සිම්බාබ්වේ කණ්ඩායාමේ නායක සිකන්දර් රාසා ශ්රී ලංකාව පිළිබඳව අපූරු සටහනක් සිය නිල එක්ස් ගිණුමට එක්කර තිබුණා.
ශ්රී ලංකාවට ස්තූතිවන්ත වෙමින් පළකර තිබූ මෙම එක්ස් සටහනේ සිකන්දර් රාසා වැඩිදුරටත් දක්වා තිබුණේ ශ්රී ලංකාව සුන්දර සහ සුන්දර මිනිසුන් සිටින රටක් බවයි.
සිම්බාබ්වේ කණ්ඩායමට දැක්වූ සහයෝගය පිළිබඳව ද ඔහු මෙම එක්ස් සටහන මඟින් ස්තූතිය පළකර තිබුණා.
සිකන්දර් රාසා මෙම එක්ස් සටහන සිංහල භාෂාවෙන් පළකර තිබීම ද විශේෂත්වයක්.
” බොහෝම ස්තූතියි ශ්රී ලංකා. මං ශ්රී ලංකාවට ගොඩක් ආදරෙයි, සුන්දර රටක් සහ සුන්දර මිනිස්සු ඉන්න රටක්. බොහෝම ස්තූතියි අපිට දුන්නු සපෝට් එකට. ඉක්මනට හමුවෙමු. ශ්රී ලංකා ඉන් ෂා අල්ලාහ්”
